Trump દક્ષિણ કોરિયાની મુલાકાત કરે એ પહેલા ઉત્તર કોરિયાએ કર્યો એક જોરદાર કાંડ

થોડા સમયમાં અમેરિકી રાષ્ટ્રપતિ ડોનાલ્ડ ટ્રમ્પ દક્ષિણ કોરિયાની મુલાકાત લેવાના હતા, જોકે આ મુલાકાત પહેલા ઉત્તર કોરિયાએ બેલિસ્ટિક મિસાઇલ લોન્ચ કરી હોય એવા સમાચાર સામે આવ્યા છે.

ઉત્તર કોરિયાએ બેલિસ્ટિક મિસાઇલનું પરીક્ષણ કર્યું

દક્ષિણ કોરિયા સાથેના આડવેરમાં ઉત્તર કોરિયાએ બેલિસ્ટિક મિસાઇલનું પરીક્ષણ કર્યું હોય એ વાત બિલકુલ સામાન્ય લાગી શકે છે, પરંતુ અમેરિકી રાષ્ટ્રપતિ ડોનાલ્ડ ટ્રમ્પ દક્ષિણ કોરિયાની મુલાકાત લેવાના હોય અને એવા સમય દરમિયાન પાંચ મહિનાના વિરામ પછી ઉત્તર કોરિયા બેલિસ્ટિક મિસાઇલનું પરીક્ષણ કરે એ નિષ્ણાતોના મત મુજબ એક ગર્ભિત સંદેશો પણ હોય શકે છે કેમ કે દક્ષિણ કોરિયાની સેનાએ આ વાતની પુષ્ટિ કરી છે.

દક્ષિણ કોરિયાએ સેના તૈયાર કરી

દક્ષિણ કોરિયાની સેનાએ ઉત્તર કોરિયા તરફથી કરવામાં આવેલ બેલિસ્ટિક મિસાઇલ પરીક્ષણ અંગે કહ્યું કે "આ મિસાઇલો લગભગ 350 કિલોમીટર ઉત્તરપૂર્વમાં ઊડી હતી. આ મિસાઈલો કયા પડી તે હજી સુધી સ્પષ્ટ થયું નથી. જો ઉત્તર કોરિયા દ્વારા હવે કોઈપણ પ્રકારની ઉશ્કેરણી કરવામાં આવશે તો યુનાઇટેડ સ્ટેટ્સ સાથે મળીને દક્ષિણ કોરિયાની સેના દુશ્મન દેશને વળતો જવાબ આપશે."

જાપાનના પ્રધાનમંત્રીએ આપ્યું નિવેદન

સામાન્ય રીતે ઉત્તર કોરિયા જ્યારે પણ તેની મિસાઇલોનું પરીક્ષણ કરે છે તો તે મોટે ભાગે કોરિયન દ્વીપકલ્પ અને જાપાન વચ્ચેના પાણીમાં મિસાઇલોનું પરીક્ષણ કરે છે. આ બાબતે જાપાનના નવા વડા પ્રધાન, સના તાકાઇચીએ એક પ્રેસ કોન્ફરન્સમાં મહત્વનું નિવેદન આપતા કહ્યું કે કોઈપણ મિસાઇલ જાપાનના પાણી અથવા સીમા વિસ્તારમાં પ્રવેશ કરવામાં સફળ થઈ નથી અને જાપાનને આ બાબતે કોઈ નુક્સાન થયું નથી.