ફરી એકવાર, પાકિસ્તાની સેનાની ફાયરિંગ ખીણમાં સંભળાઇ છે. સરકાર વિરુદ્ધ સૂત્રોચ્ચાર કરનારાઓ સામે ગોળીબાર કરાયો છે.
ઓપરેશન દરમિયાન ભારે સુરક્ષા તૈનાત
રાવલકોટમાં સુરક્ષા દળો દ્વારા મોડી રાત્રે કરવામાં આવેલા ઓપરેશન દરમિયાન ભારે સુરક્ષા તૈનાત હોવા છતાં, પ્રદર્શનકારીઓ સરકાર વિરોધી સૂત્રોચ્ચાર કરવાનું ચાલુ રાખ્યું છે. જેના કારણે સેનાએ કાર્યવાહી કરી હતી. સ્થાનિકોના જણાવ્યા અનુસાર, વિરોધ સ્થળોની આસપાસ મોટી સંખ્યામાં સુરક્ષા કર્મચારીઓ હાજર હતા. અને વચ્ચે-વચ્ચે ગોળીબાર સાંભળવામાં આવ્યો. જોકે, કોઈપણ પાકિસ્તાની મીડિયા આઉટલેટ દ્વારા ગોળીબારના આ અહેવાલોની પુષ્ટિ કરવામાં આવી નથી.
પીઓકેમાં વિરોધ પ્રદર્શનો તીવ્ર બન્યા
પાકિસ્તાનમાં આ તણાવ એવા સમયે વધ્યો છે જ્યારે વિધાનસભા ચૂંટણીને લઈને પીઓકેમાં વિરોધ પ્રદર્શનો તીવ્ર બન્યા છે. રાવલકોટ પીઓકેમાં ચાલી રહેલા આંદોલનનું કેન્દ્ર બન્યું છે, જ્યાં પ્રદર્શનકારીઓ પર ભારે ગોળીબાર કરવામાં આવ્યો છે. આ આંદોલનનું નેતૃત્વ કરી રહેલી જમ્મુ અને કાશ્મીર જોઈન્ટ આવામી એક્શન કમિટીએ આરોપ લગાવ્યો છે કે પાકિસ્તાન સરકાર ચૂંટણી પ્રક્રિયામાં દખલ કરી રહી છે અને લોકોના અવાજોને દબાવી રહી છે. તેના જવાબમાં, મતદાનના દરેક રાઉન્ડ સાથે હિંસાના અહેવાલો સામે આવી રહ્યા છે, જેની આંતરરાષ્ટ્રીય સ્તરે નિંદા થઈ રહી છે.
સેના અને પ્રદર્શનકારીઓ વચ્ચે અથડામણ
પીઓકેમાં સેના અને પ્રદર્શનકારીઓ વચ્ચે તાજેતરમાં થયેલી અથડામણોએ પરિસ્થિતિને વધુ ખરાબ કરી છે. પ્રદર્શનકારી સંગઠનો અને સ્થાનિક કાર્યકરોનો દાવો છે કે રાવલકોટ અને આસપાસના વિસ્તારોમાં સુરક્ષા દળો સાથેની અથડામણમાં ઓછામાં ઓછા 20 લોકો માર્યા ગયા છે અને ઘણા લોકો ઘાયલ થયા છે. પાકિસ્તાન સરકારે મૃત્યુ અને ઇજાઓનો સ્વીકાર કર્યો છે પરંતુ પ્રદર્શનકારીઓના ઘણા દાવાઓને સ્વીકારવાનો ઇનકાર કર્યો છે.
આ પણ વાંચોઃ પોર્ટલેન્ડ અને ઇડાહોમાં ફાયરિંગથી 4 લોકોના મોત, પાંચ ઘાયલ