પાકિસ્તાને અફઘાનિસ્તાનની રાજધાની કાબુલમાં માત્ર એક વ્યક્તિને ઠાર મારવા માટે 48 લાખની વસ્તીવાળા શહેર પર ઘાતકી હુમલો કર્યો જેમાં ડઝન અફઘાન નાગરિકો માર્યા ગયા હોવાના અહેવાલ સામે આવ્યા છે.
કોણ હતો નૂર વલી મહેસુદ?
અફઘાનિસ્તાનના સ્થાનિક લોકો માટે નૂર વલી મહેસુદ એક અગ્રિમ લીડર હતો જે પાકિસ્તાનને જોરદાર ટક્કર આપી રહ્યો હતો. પાકિસ્તાનથી આઝાદી મેળવવા માટે તાલિબાન સાથે જોડાઈને ઘણા સમયથી નૂર વલી મહેસુદ પાકિસ્તાની સરકારને રંજાડી રહ્યો હતો અને ત્યાં સુધી કે અમેરિકા સરકાર દ્વારા નૂરને આંતરરાષ્ટ્રીય આતંકવાદી જાહેર કરવામાં આવ્યો હતો. હાલ મળતી માહિતી મુજબ પાકિસ્તાની હવાઈ હુમલામાં નૂર વલી મહેસુદ માર્યો ગયો છે.
નૂરનું નામ હતું પાકિસ્તાનની હિટ લિસ્ટમાં
48 લાખની વસ્તીવાળા શહેર કાબુલ પર હુમલો કરીને નિર્દોષ અફઘાનીઓને મોતને ઘાટ ઉતારનાર પાકિસ્તાનની હિટ લિસ્ટમાં તાલિબાન નેતા નૂર વલી મહેસુદ ઘણા સમયથી ટોપ પર હતો. મળતી માહિતી મુજબ પાકિસ્તાને તેના સૌથી મોટા આ દુશ્મનને મારવા માટે અમેરિકા પાસેથી પરવાનગી મેળવી હતી અને આ પરવાનગી મળ્યા બાદ પાકિસ્તાને અફઘાનિસ્તાનની રાજધાની કાબુલમાં વિનાશક હુમલો કર્યો હતો.
તાલિબાન-પાકિસ્તાન યુદ્ધ ફાટી શકે છે!
નિષ્ણાંતોના મત મુજબ પાકિસ્તાને અમેરિકા સાથે મળીને અફઘાનિસ્તાનની રાજધાની કાબુલમાં કરેલા આ વિનાશક હુમલા બાદ તાલિબાન સંગઠન ચૂપચાપ જરા પણ નહીં બેસે એ વાત બિલકુલ નક્કી છે. કેમ કે તાલિબાને પહેલાથી જ પાકિસ્તાનને ચેતવણી આપી હતી કે તેમની સરહદમાં ઘૂસવાના ભયંકર પરિણામો આવી શકે છે. કાબુલ હુમલા બાદ હાલના તબક્કે એવું લાગી રહ્યું છે કે કે તાલિબાન પાકિસ્તાન સામે જોરદાર યુદ્ધ જાહેર કરી શકે છે.
