ટ્રેનમાં સવાર મુસાફરો નોનએસી ટ્રેનની ખરાબ સ્થિતિથી પીડાઈ રહ્યા હતા, જેના કારણે ટ્રેનને રોકવાની ફરજ પડી હતી.
જાહેર પરિવહનની તૈયારી અંગે ચિંતા
પેરિસ ટ્રેનો ગરમીના મોજાનો સામનો કરવા માટે બનાવવામાં આવી નથી. મુસાફરો કાચથી ભરેલી ટ્રેનમાં વેન્ટિલેશન વિના મુસાફરી કરવા માટે સંઘર્ષ કરી રહ્યા હતા. આના કારણે ટ્રેન રોકવામાં આવી હતી અને મુસાફરો લગભગ ચાર કલાક સુધી બહાર ભટકતા જોવા મળ્યા હતા. મુસાફરો પાટા પાસે છાંયો અને પાણી પીતા હતા. બચાવ ટીમો બાદમાં પહોંચી અને પરિસ્થિતિ સંભાળી હતી. આ ઘટનાએ વધતી ગરમીનો સામનો કરવા માટે યુરોપમાં જાહેર પરિવહનની તૈયારી અંગે પણ ચિંતા વ્યક્ત કરી છે.
ગરમીથી ત્રસ્ત પેરિસ!
વર્ષો પછી પહેલી વાર પેરિસમાં આટલી ભારે ગરમીનો અનુભવ થયો છે. ભારતમાં ઉનાળાનું સરેરાશ તાપમાન 47 થી 48 ડિગ્રી સેલ્સિયસ સુધી પહોંચે છે. જ્યારે આ વખતે ફ્રાન્સના ઘણા ભાગોમાં પારો 35 ડિગ્રી અને પશ્ચિમી પ્રદેશોમાં 36 ડિગ્રી સુધી પહોંચી ગયો છે. ત્યાંના લોકો અને મેનેજમેન્ટ તૈયાર નહોતા. રહેવાસીઓ એ હકીકત પર પણ પ્રશ્ન ઉઠાવી રહ્યા છે કે 2026 છે અને આપણી પાસે હજુ પણ એસી ટ્રેનો નથી. મુસાફરે કહ્યું હતુ કે, આ દેશ શરમજનક બની રહ્યો છે, ખાસ કરીને તેના જાહેર પરિવહન. કિંમતો સતત વધી રહી છે ત્યારે આપણે વધુને વધુ ગંભીર ભંગાણનો સામનો કરી રહ્યા છીએ.
કેટલાક લોકો માણી રહ્યા છે આનંદ
ભારતીય ઇન્ટરનેટ વપરાશકર્તાઓ પણ પેરિસમાં બનેલી આ ઘટના પર ઉત્સાહપૂર્વક પ્રતિક્રિયા આપી રહ્યા છે કે, ભારતમાં કેટલાક લોકો વિકસિત દેશમાં બનેલી આ દુર્લભ ઘટના જોઈને સારું અનુભવી રહ્યા છે.
આ પણ વાંચોઃ સીડીઓ પર સરકીને મથુરા મહાનગરપાલિકામાં યુવકે કર્યો અનોખો વિરોધ