પંજાબ નેશનલ બેંકમાં ગોટાળામાં વધુ એક મુખ્ય આરોપી નીરવ મોદીનો ભાઇ નેહલ દીપક મોદીની અમેરિકામાં ધરપકડ કરવામાં આવી છે. આ ધરપકડ ભારતના ઇડી અને સીબીઆઇની સંયુક્ત અપીલ પર અમેરિકામાં ન્યાય વિભાગ દ્વારા 4 જુલાઇ 2025એ કરવામાં આવી. જે ભારતના સૌથી મોટા બેંકિગ સ્કેમમાં તપાસમાં એક મોટી કૂટનીતિક અને કાયદાકીય સફળતા માનવામાં આવી રહી છે.
નેહલ મોદી પર શું છે આરોપ
નેહલ મોદીની ધરપકડ ભારત સરકારના ઔપચારિક પ્રત્યર્પણના અનુરોધ હેઠળ થઇ છે અને જ્યારે તેના પ્રત્યપર્ણની પ્રક્રિયા અમેરિકામાં શરૂ થઇ ચૂકી છે. અમેરિકી અભિયોજન પક્ષ દ્વારા દાખલ કરવામાં આવેલી ફરિયાદ મુજબ નેહલ મોદી વિરુદ્ધ બે મુખ્ય આરોપોને આધારે પ્રત્યપર્ણની કાર્યવાહી કરવામાં આવી રહી છે.
નેહલમોદી પર આરોપ છે કે તેણે ભાઇ નીરવ મોદીની મદદ કરીને કરોડો રૂપિયાની ગેરકાયદેસર કમાણીને છૂપાવી અને તે નાણાને શેલ કંપનીઓ અને વિદેશી લેણદેણ માટે અહીં તહીં કર્યા.
એન્ફોર્સમેન્ટ ડિરેક્ટોરેટની ચાર્જશીટમાં નેહલ મોદીનું નામ સહ-આરોપી તરીકે રાખવામાં આવ્યું છે, અને તેમના પર પુરાવાનો નાશ કરવાનો પણ આરોપ છે.
મહત્વનું છે કે 2019માં ઇન્ટરપોલએ નેહલ મોદી વિરુદ્ધ રેડ કોર્નર નોટિસ ફટકારી હતી. આ પહેલા તેના ભાઇ નીરવ મોદી અને નિશાલ મોદીને પણ પણ ઇન્ટરપોલની નોટિસ ફટકારવામાં આવી છે. નેહલ બેલ્જિયમનો નાગરિક છે અને તેનો જન્મ એન્ટવર્પમાં થયો હતો. તે અંગ્રેજી, હિંદી અને ગુજરાતી ભાષા જાણે છે. મહત્વનું છે કે નીરવ મોદી હાલમાં યુકેની જેલમાં બંધ છે અને તેના પ્રત્યાર્પણની પ્રક્રિયા પણ ચાલી રહી છે. નીરવ મોદી અને તેના કાકા મેહુલ ચોક્સી પીએનબી કૌભાંડના મુખ્ય ગુનેગાર છે, જેમાં બેંકને લગભગ 14,000 કરોડ રૂપિયાનું નુકસાન થયું હતું.
વધુ સુનાવણી 17 જુલાઇએ
નેહલ મોદીના પ્રત્યાર્પણ કેસમાં આગામી સુનાવણી 17 જુલાઈ, 2025 ના રોજ નક્કી કરવામાં આવી છે, જેમાં 'સ્ટેટસ કોન્ફરન્સ' યોજાશે. નેહલ મોદી વતી જામીન અરજી પણ દાખલ કરી શકાય છે જેનો યુએસ પ્રોસિક્યુશન વિરોધ કરશે. આ ધરપકડ ભારતની તપાસ એજન્સીઓ માટે માત્ર એક વ્યૂહાત્મક સિદ્ધિ નથી પરંતુ તે પીએનબી કૌભાંડના તળિયે પહોંચવા અને ગુનેગારોને કાયદાના કઠેડામાં લાવવાની પ્રક્રિયાને પણ મજબૂત બનાવશે.
