અલીમા ખાન તેના ડ્રાઇવર આમિર સાથે જીમખાના જઈ રહી હતી ત્યારે તેના ઘરની બહાર ધરપકડ કરાઇ હતી.
ધરપકડનુ શુ છે કારણ?
પાકિસ્તાનના જેલમાં બંધ ભૂતપૂર્વ વડા પ્રધાન ઇમરાન ખાનની બહેન અલીમા ખાનની લાહોરમાં પોલીસે ધરપકડ કરી છે. તે 27 સપ્ટેમ્બરે તેની પાર્ટી, તહરીક-એ-ઇન્સાફના કાર્યકરો સાથે ઇમરાન ખાનની મુક્તિની માંગણી સાથે વિરોધ પ્રદર્શન શરૂ કરવાની યોજના બનાવી રહી હતી. રોઇટર્સ અનુસાર, પીટીઆઈના પ્રવક્તાએ અલીમા ખાનની ધરપકડની પુષ્ટિ કરી છે. આલીમા ખાન જેલમાં ઇમરાન ખાન સાથેના વર્તન સામે અવાજ ઉઠાવી રહી છે.
પોલીસની કાર્યવાહી
અલીમા ખાન તાજેતરમાં આ મુદ્દા પર વાત કરી હતી. તેના થોડા દિવસો પછી, શાહબાઝ સરકારની પોલીસે આ કાર્યવાહી કરી હતી. જાહેર વ્યવસ્થા જાળવવા નિયમો હેઠળ લાહોરના ડેપ્યુટી કમિશનર દ્વારા જારી કરાયેલા આદેશ અનુસાર, આલીમા ખાનની ધરપકડ કરાઇ છે. આદેશમાં જણાવાયું છે કે, લાહોરના ડેપ્યુટી કમિશનરની અધ્યક્ષતામાં જિલ્લા ગુપ્તચર સમિતિની બેઠક આજે યોજાઈ હતી. જ્યાં શહેરમાં શાંતિ જાળવવા માટે ઇમરાન ખાનની બહેન આલીમા ખાનની ધરપકડ કરાઇ હતી.
ધરપકડ માટે યોજાઇ બેઠક
ઇસ્લામાબાદ પોલીસે વિરોધ પ્રદર્શનોને ધ્યાનમાં રાખીને તેમની કાર્યવાહી વધુ તીવ્ર બનાવી છે. તેમણે સુરક્ષા વ્યવસ્થાની સમીક્ષા કરવા અને પ્રદર્શનો દરમિયાન ખલેલ પહોંચાડવાના કોઈપણ પ્રયાસોને નિષ્ફળ બનાવવા માટે ઇસ્લામાબાદના સેન્ટ્રલ પોલીસ ઓફિસમાં એક બેઠક યોજી હતી. સંબંધિત પોલીસ અધિકારીઓ બેઠકમાં હાજર રહ્યા હતા અને વ્યવસ્થાઓની ચર્ચા કરી હતી. રાજધાનીની પોલીસ દળ વિરોધ પ્રદર્શનો વિશે માહિતી એકત્રિત કરી રહી છે. જેમાં તહરીક-એ-ઇન્સાફ પાર્ટીની તૈયારીઓ અને તેના નેતાઓ, કાર્યકરો અને કાર્યકરોની પ્રવૃત્તિઓની વિગતોનો સમાવેશ થાય છે.
આ પણ વાંચોઃ આકાશમાંથી વરસી તબાહી, એક તેલ રિફાઇનરી અને મકાનને થયુ નુકસાન