આનું મુખ્ય કારણ એ છે કે અમેરિકન ચલણ પર જીવંત રાષ્ટ્રપતિનું ચિત્ર બનાવવાની કોઈ લાંબા સમયથી પરંપરા રહી નથી.
યુએસ કાયદામાં શું છે નિયમો ?
યુએસ ટંકશાળે ટ્રમ્પની છબી ધરાવતો સોનેરી રંગનો $1 સિક્કો વેચાણ માટે ઉપલબ્ધ કરાવ્યો હતો. આ સિક્કો અમેરિકાની 250મી વર્ષગાંઠની ઉજવણીનો ભાગ છે. યુનાઇટેડ સ્ટેટ્સ 2026માં તેની 250મી વર્ષગાંઠ ઉજવી રહ્યું છે. આ સિક્કાની વિશિષ્ટતા તેની આગળની બાજુ છે. જેમાં રાષ્ટ્રપતિ ડોનાલ્ડ ટ્રમ્પ, LIBERTY, IN GOD WE TRUST, અને 1776~2026 લખેલા છે. પાછળના ભાગમાં યુનાઇટેડ સ્ટેટ્સની સત્તાવાર સીલની ડિઝાઇન છે. જેની ઢાલ ઉપર 250 લખેલું છે. ટ્રમ્પની છબીએ આ સિક્કા અંગે રાજકીય અને કાનૂની ચર્ચા જગાવી છે.
https://twitter.com/TruthTrumpPost/status/2095150215439294835
સિક્કા પર ટ્રમ્પનો ફોટો કેમ ?
યુએસમાં લાંબા સમયથી સરકારી ચલણ પર જીવંત વ્યક્તિઓની છબીઓના ઉપયોગ અંગેના નિયમો અસ્તિત્વમાં છે. આ 1866માં શરૂ થયું હતું. તે સમયે, કોંગ્રેસે એક સરકારી અધિકારી દ્વારા કથિત રીતે યુએસ ચલણ પર પોતાની છબી મૂક્યા પછી એક નિયમ ઘડ્યો હતો. આ નિયમ સામાન્ય રીતે થાયર સુધારા તરીકે ઓળખાય છે. આ કાયદા હેઠળ, યુએસ બેંકનોટ પર જીવંત વ્યક્તિની છબીની મંજૂરી નથી. જો કે, આ નિયમ સિક્કાઓને લાગુ પડતો નથી. યુએસ ફેડરલ કાયદો એમ પણ કહે છે કે યુએસ ચલણ અને સરકારી સિક્યોરિટીઝમાં ફક્ત મૃત વ્યક્તિની છબી હોવી જોઈએ. ટ્રમ્પ સમર્થકોએ આ નિયમ બદલવા માટે કાયદો લાવવાનો પ્રયાસ પણ કર્યો છે, પરંતુ તે દરખાસ્ત હજુ સુધી આગળ વધી નથી.
ટ્રમ્પની છબી ધરાવતો સિક્કો કાયદેસર કેવી રીતે ?
આ સમગ્ર મામલાનો સૌથી મહત્વપૂર્ણ ભાગ છે. અહેવાલો અનુસાર, આ સિક્કો ગેરકાયદેસર માનવામાં આવતો નથી. આ 2020માં પસાર થયેલા કાયદાને કારણે છે જેને સર્ક્યુલેશન કલેક્શન કોઈન ડિઝાઇન એક્ટ ઓફ 2026 કહેવામાં આવે છે. ડોનાલ્ડ ટ્રમ્પે તેમના પ્રથમ કાર્યકાળ દરમિયાન આ કાયદા પર હસ્તાક્ષર કર્યા હતા. આ કાયદાએ યુએસ ટ્રેઝરીને અમેરિકાની 250મી વર્ષગાંઠની ઉજવણી માટે ખાસ ડિઝાઇન કરાયેલ $1 સિક્કો બનાવવાની મંજૂરી આપી હતી.
આ પણ વાંચોઃ ન્યૂ યોર્કની સરકારી શાળાઓમાં AIના ઉપયોગ પર પ્રતિબંધ, મેયર Zohran Mamdaniનો ટેક કંપનીઓને ફટકો