આ યુદ્ધથી લાખો લોકો પ્રભાવિત થયા છે. નોબેલ સમિતિ આ વર્ષે શાંતિ પુરસ્કાર એવી વ્યક્તિને આપવાની તૈયારી કરી રહી છે જે ટ્રમ્પનો કટ્ટર વિરોધી છે.
નોબેલ શાંતિ પુરસ્કાર ફરી ચર્ચામાં
ઇઝરાયલ, કંબોડિયા અને પાકિસ્તાન જેવા દેશોએ ડોનાલ્ડ ટ્રમ્પને નોબેલ શાંતિ પુરસ્કાર માટે નોમિનેટ કર્યા છે. પરંતુ ટ્રમ્પની આ વર્ષે નોબેલ શાંતિ પુરસ્કાર જીતવાની શક્યતાઓ અનિશ્ચિત છે. 2025માં, વેનેઝુએલાના માચાડોને નોબેલ શાંતિ પુરસ્કાર એનાયત કરવામાં આવ્યો હતો. પુરસ્કાર મેળવ્યા પછી, માચાડોએ તે ટ્રમ્પને આપ્યો, જેના કારણે નોબેલ સમિતિને શરમ આવી હતી. નોબેલ સમિતિ આ પુરસ્કાર આંતરરાષ્ટ્રીય ન્યાય અદાલતને આપવો જોઈએ કે નહીં તે અંગે વિચાર કરી રહી છે.
નોબેલ શાંતિ પુરસ્કારની રેસમાં કોણ ?
નોબેલ શાંતિ પુરસ્કારની જાહેરાત 9 ઓક્ટોબરે થવાની છે. આ પુરસ્કાર માટે નોબેલ સમિતિ વિચાર-વિમર્શના તબક્કામાંથી પસાર થઈ રહી છે. વિશ્લેષકો માને છે કે, ડોનાલ્ડ ટ્રમ્પ ઉપરાંત, પોપ લીઓ, આંતરરાષ્ટ્રીય ન્યાય અદાલત ટ્રિબ્યુનલ, પેલેસ્ટિનિયન પ્રદેશો પર યુએનના વિશેષ સંવાદદાતા અને ફ્રાન્સેસ્કા અલ્બેનીઝ સૌથી આગળ છે. કંબોડિયા, ઇઝરાયલ અને પાકિસ્તાને 2025 ના નોબેલ શાંતિ પુરસ્કાર માટે ટ્રમ્પનું નામાંકન કર્યું હતું. છેલ્લી ઘડી સુધી ટ્રમ્પને 2025 નોબેલ પુરસ્કાર મળવાની અપેક્ષા હતી, પરંતુ તે મચાડોને આપવામાં આવ્યો હતો.
નિર્ણય ટ્રમ્પની આસપાસઃ નિષ્ણાંતો
ઓસ્લો પીસ રિસર્ચ ઇન્સ્ટિટ્યૂટના કાર્યકારી નિર્દેશક હાકોન ગેર્લો કહે છે કે સમિતિ એવા ઉમેદવારની પસંદગી કરવામાં સાવચેત રહેશે જે પુરસ્કાર પ્રાપ્ત કર્યા પછી ટ્રમ્પના દબાણનો સામનો કરી શકે છે. હાકોન કહે છે કે, ટ્રમ્પને આ વખતે નોબેલ પુરસ્કાર નથી મળી રહ્યો. તેથી યુએસ રાષ્ટ્રપતિ ચોક્કસપણે તે મેળવનાર પર દબાણ લાવશે. નિષ્ણાતો માને છે કે આ વર્ષનો નોબેલ પુરસ્કાર ટ્રમ્પના કટ્ટર વિરોધીને આપવામાં આવી શકે છે. જે સંદેશ આપે છે કે લોકશાહી અને શાંતિ હજુ પણ નોબેલ પુરસ્કાર માટે જરૂરી છે.
આ પણ વાંચોઃ ઈઝરાયલી સેનાએ ગાઝામાં છુપાયેલા હમાસના કમાન્ડરને માર્યો ઠાર!