સાયબર સુરક્ષા વડા સીન કેર્નક્રોસની હકાલપટ્ટી કર્યા બાદ કિર્સ્ટન ડેવિસને કામચલાઉ જવાબદારી સોંપવામાં આવી છે.

AI અથવા સાયબર હુમલાનો ખતરો  

યુએસ રાષ્ટ્રપતિ ડોનાલ્ડ ટ્રમ્પે દેશના સાયબર સુરક્ષા વડા સીન કેર્નક્રોસને હટાવી દીધા છે. આ નિર્ણય અમેરિકામાં અનેક મોટી ટેકનિકલ ખામીઓ વચ્ચે આવ્યો છે. જે એરલાઇન્સ, બેંકો, સરકારી વિભાગો અને મોટી કંપનીઓને અસર કરી રહી છે. AIનો વધતો ઉપયોગ સાયબર હુમલાઓનું જોખમ પણ વધારી રહ્યો છે. વ્હાઇટ હાઉસની નજીકના એક સૂત્રના જણાવ્યા અનુસાર, ટ્રમ્પને લાગ્યું કે કેર્નક્રોસ પાસે આ પદ માટે જરૂરી ટેકનિકલ જ્ઞાનનો અભાવ છે. અધિકારીને ટાંકીને કહેવાયુ છે કે, કેર્નક્રોસ પોતે આગામી બે વર્ષ સુધી આ પદ પર સેવા આપવા માંગતા નથી. હાલમાં તે સ્પષ્ટ નથી કે તેઓ ક્યારે વિદાય લેશે. 

ટેકનિકલ ખામીઓથી અનેક સેવાઓને અસર 

છેલ્લા અઠવાડિયામાં યુએસમાં ઘણી મોટી ટેકનિકલ સમસ્યાઓ નોંધાઈ છે. માઇક્રોસોફ્ટ ઇમેઇલ સેવા આઉટેજથી વિશ્વભરના લાખો લોકોને અસર થઈ છે. યુનાઇટેડ એરલાઇન્સ, મુખ્ય બેંકો, એપલ, મેરિયોટ અને સરકારી વિભાગોમાં સેવાઓ પણ પ્રભાવિત થઈ હતી. રાષ્ટ્રીય સુરક્ષા એજન્સીના ગુપ્ત સંદેશાવ્યવહાર નેટવર્કમાં પણ સમસ્યાઓનો સામનો કરવો પડ્યો હતો. 13 નવેમ્બરના રોજ, યુએસ ફેડરલ એવિએશન એડમિનિસ્ટ્રેશનને સિસ્ટમ આઉટેજનો અનુભવ થયો હતો. જેનાથી દેશમાં 5 કલાક સુધી ફ્લાઇટ્સ સ્થગિત કરાઇ હતી. 

આઉટેજ પાછળ સાયબર હુમલાના કોઈ પુરાવા નથી

જોકે, યુએસ અધિકારીઓએ આ ઘટનાઓને કનેક્ટેડ માન્યા નથી. સેક્રેટરી ઓફ સ્ટેટ માર્કો રુબિયોએ જણાવ્યું હતું કે, આ આઉટેજમાં સાયબર હુમલા અથવા વિદેશી સંડોવણીના કોઈ પુરાવા નથી. અધિકારીઓના જણાવ્યા અનુસાર, મોટાભાગની સમસ્યાઓ સોફ્ટવેર અપડેટ્સ અને જૂની સિસ્ટમમાં ફેરફારોને કારણે થઈ હતી. JPMorgan એ અહેવાલ આપ્યો છે કે તેના કેટલાક બાહ્ય સેવા પ્રદાતાઓ સાયબર હુમલાઓનો ભોગ બન્યા હતા.

આ પણ વાંચોઃ JCBની ટક્કરથી 13 વર્ષીય બાળકના મોત બાદ CM Yogiએ પરિવારની લીધી મુલાકાત, સમાજવાદી પાર્ટી પર સાધ્યું નિશાન