રાષ્ટ્રપતિ ડોનાલ્ડ ટ્રમ્પનો યુદ્ધમાં ઇઝરાયલને ટેકો આપવાનો નિર્ણય હવે રિપબ્લિકન પાર્ટી માટે મોટી સમસ્યા બની ગયો છે.
જેડી વાન્સનુ સંબોધન
યુદ્ધ દરમિયાન ઈરાને સતત અમેરિકન જનતાને સંબોધન કર્યું હતું. ઈરાને કહ્યું હતું કે, અમેરિકાએ ઈઝરાયલના યુદ્ધમાં સામેલ ન થવું જોઈએ. કારણ કે તેનાથી ફક્ત અમેરિકાને જ નુકસાન થશે. ઈરાને ચેતવણી પણ આપી હતી કે, અમેરિકન જનતાએ આ યુદ્ધની કિંમત ચૂકવવી પડશે. હવે, ચૂંટણીમાં હાર બાદ, વાન્સે પોતાની હાર માટે ચાર કારણો આપ્યા, જેમાં યુદ્ધનો અંત અને ઇઝરાયલ સાથેના અમેરિકાના સંબંધોમાં ફેરફારનો સમાવેશ થાય છે.
વાન્સે સ્વીકાર્યું કે તેઓ યુદ્ધને કારણે ચૂંટણી હાર્યા
4 નવેમ્બરના રોજ, યુએસ વાઇસ પ્રેસિડેન્ટ જે.ડી. વાન્સે X પર પોસ્ટ લખી હતી. જેમાં રિપબ્લિકન પાર્ટીની હારના કારણો સમજાવ્યા હતા. તેમણે જણાવ્યું કે 2024માં ટ્રમ્પ અને વાન્સને મત આપનારા ઘણા લોકો 2026ની મધ્યસત્ર ચૂંટણીમાં ડેમોક્રેટિક પાર્ટીમાં જોડાયા હતા. તેમણે સ્પષ્ટપણે જણાવ્યું કે, ઈરાન સાથેનું યુદ્ધ પાર્ટીની હાર પાછળનું સૌથી મોટું કારણ હતું. વાન્સે લખ્યું, "યુદ્ધ આપણી હારનું કારણ છે. દરેક વ્યક્તિ જાણે છે કે આપણે કેમ હાર્યા, અને આગળ કેવી રીતે વધવું તે અંગેની કોઈપણ પ્રામાણિક ચર્ચા આનાથી શરૂ થવી જોઈએ."
હાર માટે ચાર મુખ્ય કારણ
1. યુદ્ધનો અંત: અમેરિકન જનતા ઇચ્છે છે કે ઈરાન સાથે ચાલી રહેલા યુદ્ધનો અંત આવે.
2. ફુગાવાને સંબોધિત કરો: જનતાની પ્રાથમિકતા ફુગાવા અને જીવનનિર્વાહના ખર્ચમાં ઘટાડો છે.
3. અમેરિકા ફર્સ્ટ: મતદારો ઇચ્છે છે કે સરકાર તેના દેશ અને નાગરિકોના હિતોને પ્રાથમિકતા આપે.
4. ઇઝરાયલ સાથેના સંબંધોમાં ફેરફાર: મતદારોએ પણ અમેરિકા અને ઇઝરાયલ વચ્ચેના સંબંધો પ્રત્યે અસંતોષ વ્યક્ત કર્યો હતો.
ઈરાનની અગાઉથી જ અમેરિકાને ચેતવણી
ઈરાન યુદ્ધ દરમિયાન, ઈરાની સરકારે સતત અમેરિકાને સંઘર્ષથી દૂર રહેવાની સલાહ આપી હતી. ઈરાને દલીલ કરી હતી કે ઈઝરાયલનો સાથ આપીને, અમેરિકા તેના આર્થિક અને વ્યૂહાત્મક હિતોને નુકસાન પહોંચાડી રહ્યું છે. ઈરાને પણ અમેરિકન જનતાને સંદેશ મોકલવાનું ચાલુ રાખ્યું કે આ યુદ્ધના પરિણામો આખરે સામાન્ય અમેરિકન નાગરિકો ભોગવશે. વાન્સના નિવેદન બાદ, રાષ્ટ્રપતિ ડોનાલ્ડ ટ્રમ્પે સ્વીકાર્યું કે ઈરાન યુદ્ધનો ચૂંટણી પરિણામો પર પ્રભાવ પડ્યો હતો. જો કે, તેમણે પોતાના નિર્ણયનો બચાવ કર્યો. ટ્રમ્પના મતે, યુદ્ધના કારણે ગેસના ભાવમાં વધારો થયો, જેની મતદારો પર અસર પડી હતી. 3 નવેમ્બરની ચૂંટણીમાં, ડેમોક્રેટ્સે કોંગ્રેસના બંને ગૃહોનું નિયંત્રણ મેળવ્યું, જેનાથી રિપબ્લિકન પાર્ટીને મોટો ફટકો પડ્યો હતો.
આ પણ વાંચોઃ ત્રણ વર્ષ સુધી મૃતદેહ અને પાંચ ગિની પિગને રાખ્યા ફ્રિજમાં, UKની ઘટનાથી કોર્ટ પણ સ્તબ્ધ!