તારિક રહેમાનનું નેતૃત્વ BNP માટે એક મહત્વપૂર્ણ પડકાર ઉભો કરે છે. જ્યારે આવામી લીગ રેસમાંથી બહાર છે.
બાંગ્લાદેશમાં રાજકીય વાતાવરણ ગરમાયું
12 ફેબ્રુઆરી, 2026 ના રોજ યોજાનારી સામાન્ય ચૂંટણીઓ પહેલા બાંગ્લાદેશમાં રાજકીય વાતાવરણ સતત ગરમાઈ રહ્યું છે. કટ્ટરપંથી ઇસ્લામિક પક્ષ જમાત-એ-ઇસ્લામી સહિત અનેક પક્ષો ખુલ્લેઆમ કહી રહ્યા છે કે જો બાંગ્લાદેશ નેશનલિસ્ટ પાર્ટી ચૂંટણી હારી જાય તો તે દેશમાં દાયકાઓ જૂની કુટુંબની રાજનીતિનો અંત લાવી શકે છે. રાજશાહીમાં ચૂંટણી રેલી દરમિયાન, કટ્ટરપંથી ઈસ્લામી પક્ષ જમાત-એ-ઈસ્લામીના અમીર શફીકુર રહેમાને, પક્ષનું નામ લીધા વિના, BNP પર આકરા પ્રહારો કર્યા હતા.
ભાઈ-ભત્રીજાવાદનો વિવાદ યથાવત્
BNPનો ઉલ્લેખ કર્યા વિના બાંગ્લાદેશી રાજકારણમાં ભાઈ-ભત્રીજાવાદની ચર્ચા કરવી મુશ્કેલ છે. પક્ષની સ્થાપના અને ઓળખ મોટાભાગે ઝિયા પરિવાર સાથે સંકળાયેલી છે. ભૂતપૂર્વ પીએમ ખાલિદા ઝિયાના મૃત્યુ પછી પક્ષની જવાબદારી તેમના પુત્ર તારિક રહેમાન પર છે. તારિક રહેમાન તાજેતરમાં 17 વર્ષ પછી લંડનથી બાંગ્લાદેશ પાછા ફર્યા છે અને પક્ષને વિજય તરફ દોરી જવાનો પ્રયાસ કરી રહ્યા છે. રાજકીય વિશ્લેષકો માને છે કે જો BNP આ ચૂંટણી હારી જાય છે, તો સૌથી મોટો ફાયદો જમાત-એ-ઇસ્લામી અને 11-પક્ષીય ગઠબંધનને થઈ શકે છે.
શું પારિવારિક રાજકારણનો અંત આવશે?
BNPની સ્થિતિ નબળી છે અને અવામી લીગ ચૂંટણીમાંથી બહાર છે. પહેલીવાર, એવું લાગે છે કે બાંગ્લાદેશી રાજકારણ પર ભત્રીજાવાદની પકડ ઢીલી પડી રહી છે. જો કે, કેટલાક નિષ્ણાતો માને છે કે ભત્રીજાવાદ ફક્ત નેતાઓ વિશે નથી. પરંતુ સિસ્ટમ અને રાજકીય સંસ્કૃતિ વિશે છે. જો નવા પક્ષો સત્તામાં આવ્યા પછી એ જ માર્ગ અપનાવે છે, તો પરિવર્તન ફક્ત નામનું જ રહેશે.
આ પણ વાંચોઃ અમેરિકાએ Critical Minerals પર બનાવ્યુ 55 દેશોનું ફોર્જ એલાયન્સ, ભારતને કયુ સ્થાન?