World News: Taliban હુમલા પછી ભૂતપૂર્વ અફઘાન ઉપરાષ્ટ્રપતિએ Pakistanના જુઠ્ઠાણાઓનો કર્યો પર્દાફાશ

અમરુલ્લાહ સાલેહે તાલિબાનને પાકિસ્તાનના સમર્થન પર આકરો હુમલો કર્યો અને આવનારા વધુ ખરાબ દિવસોની ચેતવણી આપી છે.

પાકિસ્તાનના 60 સૈનિકો ઠાર

તાલિબાન લડવૈયાઓ દ્વારા કરવામાં આવેલા બોમ્બ ધડાકાએ પાકિસ્તાની સેનાનો પર્દાફાશ કર્યો છે. વધુમાં, તેણે પાકિસ્તાની શાસકોનો પણ પર્દાફાશ કર્યો છે. તાલિબાન લડવૈયાઓ જે રીતે પાકિસ્તાની ક્ષેત્રમાં પ્રવેશ્યા અને 60 સૈનિકોને મારી નાખ્યા. એવું કહેવાય છે કે તેઓએ ઘણા સૈનિકોને બંધક બનાવ્યા હતા તેનાથી ઇસ્લામાબાદથી રાવલપિંડી સુધીની પરિસ્થિતિ હચમચી ગઈ છે. અફઘાન ભૂતપૂર્વ ઉપરાષ્ટ્રપતિ અમરુલ્લાહ સાલેહે પાકિસ્તાનને કડક શબ્દોમાં ઠપકો આપ્યો છે.

પાકિસ્તાને આંતરરાષ્ટ્રીય પ્રતિબંધોનું પાલન કર્યું નથી

અમરુલ્લાહ સાલેહે X પર પોસ્ટ મુકી હતી. તેમણે લખ્યું હતુ કે, જ્યારે પાકિસ્તાનીઓ તાલિબાનને બનાવવા, ટેકો આપવા અને લડવા બદલ અફસોસ વ્યક્ત કરે છે, ત્યારે તેઓ અજાણતાં જ તે બધા પુરાવાઓની પુષ્ટિ કરે છે. જે અમે વર્ષોથી બતાવી રહ્યા છીએ. પાકિસ્તાને ક્યારેય આંતરરાષ્ટ્રીય પ્રતિબંધોનું પાલન કર્યું નથી અને તાલિબાનને દરેક શક્ય રીતે દેશનું શોષણ કરવાની મંજૂરી આપી નથી.

પાકિસ્તાન તેના પાપ ભોગવી રહ્યુ છે

પાકિસ્તાનનો પર્દાફાશ કરતા અમરુલ્લાહ સાલેહે લખ્યું, પાકિસ્તાનના શાસકોએ તાલિબાન મદરેસાને પોતાના મદરેસામાં મર્જ કરવાનો પ્રસ્તાવ પણ મૂક્યો. પાકિસ્તાની રાજદ્વારીઓએ તાલિબાનની હિમાયત કરી અને વારંવાર અફઘાનિસ્તાનના સામાજિક માળખા પર પ્રશ્ન ઉઠાવતા કહ્યું કે તાલિબાન વિના તે અકુદરતી લાગશે. પાકિસ્તાન તેના પાપોના પરિણામો ભોગવી રહ્યું છે. ખરાબ દિવસો હજુ આવવાના બાકી છે.