આ ઘટના મુખ્ય કાબુલ-જલાલાબાદ હાઇવે પર, લગમાન પ્રાંતના કરઘાઈ જિલ્લામાં સુરાખકાનુ આંતરછેદ નજીક બની હતી.
અકસ્માતનો વધતો ગ્રાફ
અફઘાનિસ્તાનમાં માર્ગ અકસ્માતો સતત ચાલુ છે. વરદાક પ્રાંતમાં એક મિનિબસ પલટી જતાં માતા અને પુત્ર સહિત ચાર લોકોના મોત થયા હતા અને અન્ય ચાર લોકો ઘાયલ થયા હતા. અગાઉ 30 મેના રોજ, પાકિસ્તાનથી પરત ફરતા અફઘાન શરણાર્થીઓને લઈ જતી ટ્રક પલટી હતી. જેમાં 18 લોકો માર્યા ગયા હતા. અકસ્માતોની શ્રેણીએ દેશની માર્ગ સલામતી પર ગંભીર પ્રશ્નો ઉભા કર્યા છે.
ટ્રક પલટી જતા અકસ્માત
કુનાર પ્રાંતમાં અગાઉ થયેલા આવા જ અકસ્માતમાં એક વ્યક્તિનું મોત થયું હતું અને ચાર અન્ય ઘાયલ થયા હતા. 30 મેના રોજ શનિવારે સવારે પાકિસ્તાનથી પરત ફરતા અફઘાન સ્થળાંતર કરનારાઓને લઈ જતી એક ટ્રક પલટી ગઈ હતી જેમાં 10 બાળકો અને પાંચ મહિલાઓ સહિત ઓછામાં ઓછા 17 લોકો માર્યા ગયા હતા અને ડઝનેક લોકો ઘાયલ થયા હતા. અફઘાનિસ્તાનના પૂર્વીય પ્રાંત લગમાનમાં એક હાઇવે પર ટ્રક પલટી ગઈ હતી.
હાઇ-સ્પીડ બની જીવલેણ
લઘમાનમાં તાલિબાન ગવર્નર ઓફિસ દ્વારા જારી કરાયેલા નિવેદનમાં કહેવામાં આવ્યું છે કે, અકસ્માતમાં અઢાર લોકો માર્યા ગયા હતા અને ૩૫ અન્ય ઘાયલ થયા હતા. ઘાયલોને સારવાર માટે નંગરહારના તબીબી કેન્દ્રમાં દાખલ કરવામાં આવ્યા છે. ઉત્તર અફઘાનિસ્તાનના ફરયાબ પ્રાંતમાં પોલીસે 3 મેના રોજ એક પેસેન્જર વાહન અને ટ્રક વચ્ચે થયેલી હાઇ સ્પીડ ટક્કરમાં ઓછામાં ઓછા ત્રણ મુસાફરોના મોતની પુષ્ટિ કરી છે. આ અકસ્માત અંકોય જિલ્લાની બહાર થયો હતો. અકસ્માત સમયે ત્રણેય પીડિતો હાઇ સ્પીડ વાહનમાં મુસાફરી કરી રહ્યા હતા.
આ પણ વાંચોઃ હવામાનશાસ્ત્રીઓની ચેતવણી, જાણો કેમ અટલાન્ટિક મહાસાગરને કહ્યો 'અસલી વિલન'?
