આ બાળકીએ ત્રણ દિવસમાં બે વાર વર્લ્ડ રેકોર્ડ તોડ્યો છે. તેણે 3x3x3 રુબિક્સ ક્યુબ માત્ર 4 સેકન્ડમાં ઉકેલીને દુનિયાને આશ્ચર્યચકિત કરી છે.
નવો વિશ્વ રેકોર્ડ બનાવ્યો
આ સુંદર સ્પીડક્યુબરનું નામ લિયાન યુન્ઝી છે. યુન્ઝીએ 3x3x3 રુબિક્સ ક્યુબ માટે સરેરાશ સમયનો વર્લ્ડ રેકોર્ડ ત્રણ દિવસમાં બે વાર તોડ્યો હતો. આ રેકોર્ડ વુહાન અને ગુઆંગઝુમાં યોજાયેલી બે સ્પર્ધાઓમાં સ્થાપિત થયા હતા. બંને ઇવેન્ટ્સને વર્લ્ડ ક્યુબ એસોસિએશન દ્વારા માન્યતા અપાઇ હતી. જો તમે આ પઝલ ગેમથી અજાણ છો, તો તેમાં ક્યુબના દરેક ચહેરા સાથે રંગ મેચ કરવાનો સમાવેશ થાય છે. લિયાને પાંચ વખત રુબિક્સ ક્યુબ ઉકેલ્યો છે. આ પાંચ પ્રયાસો માટે તેનો સરેરાશ સમય પહેલા 4.52 સેકન્ડ અને પછી 4.27 સેકન્ડનો હતો.
માતાએ કર્યુ પ્રોત્સાહન
લિયાન, જેને પ્રેમથી "ઝીઝી" તરીકે ઓળખવામાં આવે છે. તેને બાળપણમાં એક વર્ગમાં દાખલ કરવામાં આવી ત્યારે સૌપ્રથમ રુબિક્સ ક્યુબ વિશે જાણવા મળ્યું હતુ. તેના નૃત્ય અને સંગીત વર્ગો સાથે, લિયાને તે શીખવાનું શરૂ કર્યું હતુ. લિને સમજાવ્યું કે, તેણીને ધીમે ધીમે સમજાયું કે રુબિક્સ ક્યુબ ઉકેલવાથી વિવિધ ક્ષમતાઓ વિકસે છે. ત્યારબાદ તેણીએ લિયાનનું ધ્યાન આ ખાસ કૌશલ્ય પર કેન્દ્રિત કરવાનું નક્કી કર્યું છે.
અલ્ગોરિધમ્સ શીખી
લિનના મતે, તેની પુત્રી હવે રૂબિક્સ ક્યુબ ઉકેલવા માટે 1300થી વધુ અલ્ગોરિધમ્સ શીખી ગઈ છે. તે દરરોજ બે થી ત્રણ કલાક તેનો અભ્યાસ કરે છે. ફોટામાં લિયાનની ટ્રોફી તેના ઘરમાં એક શેલ્ફ પર પ્રદર્શિત દેખાઈ હતી.
આ પણ વાંચોઃ શાળામાં થયેલી ફાયરિંગમાં શૂટરને મદદ કરવાના આરોપસર ChatGPT સામે કેનેડામાં કેસ થયો દાખલ