રશિયા અને યુક્રેન વચ્ચે ચાલી રહેલું યુદ્ધ સમાપ્ત કરવા માટે અમેરિકી રાષ્ટ્રપતિ ડોનાલ્ડ ટ્રમ્પના પ્રયાસો વચ્ચે યુક્રેનના રાષ્ટ્રપતિ વોલોદિમિર ઝેલેન્સકીએ એક મોટું નિવેદન આપ્યું છે. તેમણે યુદ્ધ સમાપ્ત કરવા માટે 'સાચો સમય' આવી ગયો હોવાનું જણાવીને સહયોગી દેશોને મોસ્કો પર રાજદ્વારી દબાણ વધારવા અપીલ કરી છે.સોમવારે 'X' પર એક પોસ્ટ દ્વારા ઝેલેન્સકીએ જાણકારી આપી કે તેમણે ફ્રાન્સના રાષ્ટ્રપતિ ઇમેન્યુઅલ મેક્રોન સાથે તાજેતરના ઘટનાક્રમો અને શાંતિ સ્થાપવાના રાજદ્વારી પ્રયાસો પર ચર્ચા કરી છે.
દબાણ જ યુદ્ધ સમાપ્તિની મુખ્ય ચાવી
ઝેલેન્સકીએ પોતાની પોસ્ટમાં લખ્યું,"મેં ફ્રાન્સના રાષ્ટ્રપતિ ઇમેન્યુઅલ મેક્રોન સાથે વાત કરી. હવે યુદ્ધને સમાપ્ત કરવાની દિશામાં સાચો સમય આવી ગયો છે. સૌથી મહત્ત્વનું એ છે કે દરેક તકનો સંપૂર્ણ ઉપયોગ કરવામાં આવે અને રશિયા પર યોગ્ય દબાણ બનાવવામાં આવે." તેમણે ભારપૂર્વક જણાવ્યું કે, "યુદ્ધ શરૂ કરનાર પક્ષ પર દબાણ જ સમાપ્તિની મુખ્ય ચાવી છે.
