પાકિસ્તાનમાં અફઘાન સીમા પાસે પાકિસ્તાની સેના પર હુમલો થયો છે. જેમાં 11 જેટલા સૈનિક અને અધિકારીઓના મોત નીપજ્યા છે. આતંકવાદીઓએ રસ્તાના ખૂણે એક જગ્યાઓ બોમ્બ લગાવ્યા હતા. અહિંયાથી જ સેનાનો કાફલો નીકળ્યો હતો,જ્યારે સેનાનો કાફલો ત્યાંથી નીકળ્યો તે પહેલા જ આતંકવાદીઓએ સેના પર ગોળીનો વરસાદ શરૂ કર્યો. આ હુમલાની જવાબદારી પાકિસ્તાની તાલિબાન એટલે કે (TPP)એ લીધી છે.
TPP સંગઠને લીધી હુમલાની જવાબદારી
પાકિસ્તાની સેનાના એક નિવેદનમાં જણાવ્યુ કે આ અભિયાન દરમિયાન 19 આતંકવાદીઓને પણ મારવામાં આવ્યા છે. આ હુમલો બુધવારે કરવામાં આવ્યો જ્યારે સેનાનો કાફલો બોમ્બ લગાવેલી જગ્યા પાસેથી પસાર થયો તરત જ આતંકવાદીઓએ ઘડાધડ ફાયરિંગ કરવાનુ શરૂ કરી દીધુ, જેમાં 9 સૈનિક અને 2 અધિકારીઓ સહિત 11 લોકોના મોત નીપજ્યા છે. આ હુમલાની જવાબદારી પાકિસ્તાની તાલિબાને લીધી છે. સંગઠનનો દાવો છે કે તેમણે આ કાફલા પર હુમલો કર્યો હતો. મહત્વનું છે કે છેલ્લાં કેટલાય સમયથી પાક સેના પર હુમલાના સમાચાર સામે આવતા રહે છે. અને TTP એ પાકિસ્તાની સેના પર અનેક વખત હુમલાઓ કરવામાં આવ્યા છે.
