ઓનલાઇન શબ્દકોશ ડિક્શનરી ડોટ કોમનો આ વર્ષનો વર્ડ ઓફ ધ યર હકીકતમાં કોઇ શબ્દ છે જ નહીં. આ વર્ષે તેમણે વાયરલ શબ્દ અથવા વાક્યાંશ 6-7 ને આ શ્રેણીમાં જગ્યા આપવામાં આવી છે.જે બાળકો તથા યુવાનો વચ્ચે ખૂબ જ લોકપ્રિય છે. બાળકો અને યુવાનો આ વાક્યાંશનો સામાન્ય રીતે તેનો ઉપયોગ કરે છે જ્યારે માતા-પિતા અને શિક્ષક આને સમજી જ નથી શક્યા.આ શબ્દ આ વર્ષે ગરમીમાં અચાનક લોકપ્રિય થઇ ગયો. આ મજાકમાં ઉપયોગ કરવા વાળો શબ્દ છે જેનો સ્પષ્ટ અર્થ નથી અને જે સોશિયલ મીડિયાને કારણે વાયરલ થયો.
શબ્દનો સાચો અર્થ કોઇ નથી જાણતુ
ડિક્શનરી ડોટ કોમનુ કહેવુ છે કે તેનો દર વર્ષે પસંદ કરાતો શબ્દ આવો જ હોય છે. જે તે વર્ષની સામાજિક પ્રવૃત્તિઓ અને ઘટનાઓને પ્રતિબિંબિત કરે, પરંતુ આ વખત વેબસાઇટે સ્વીકાર્યું કે તેઓ પણ “6-7”નો સાચો અર્થ સમજવામાં થોડી ગૂંચવણમાં છે. જાહેરાતમાં લખ્યું હતું, ચિંતા ન કરો, કારણ કે આપણે સૌ હજુ સમજવાનો પ્રયાસ કરી રહ્યા છીએ કે આનો અર્થ આખરે શું છે. લાગે છે કે તેનો ઉદ્ભવ 2024માં રેપર સ્ક્રિલ્લાના ગીત ડૂટ ડૂટ (6-7) માંથી થયો હતો. આ ગીત ખાસ કરીને ટિકટોક પર બાસ્કેટબોલ ખેલાડીઓના વીડિયોઝમાં વાયરલ થયું, જેમાં એનબીએ સ્ટાર લામેલો બોલ પણ સામેલ હતા, જેમની ઊંચાઈ 6 ફૂટ 7 ઈંચ છે.
લોકોના અલગ અલગ વિચાર અને અર્થ
‘મેરિયમ-વેબસ્ટર’ શબ્દકોશ તેને એક બકવાસ, અર્થહીન શબ્દસમૂહ તરીકે વર્ણવે છે, જેનો ઉપયોગ ખાસ કરીને યુવાનો અને પહેલાંના બાળકો કરે છે. કેટલાક લોકો તેને માત્ર વયસ્કોને ચીડવવા માટે વાપરે છે. ડિક્શનરી ડોટ કોમનું કહેવું છે, તે નિરર્થક, સર્વવ્યાપક અને રમૂજી છે અન્ય શબ્દોમાં કહીએ તો, તેમાં દિમાગને સુન્ન કરી નાખતા ટ્રેન્ડની બધી ખાસિયતો છે.” ેઘણા શિક્ષકોએ તેનો ઉપયોગ વર્ગખંડમાં પ્રતિબંધિત કર્યો છે. ‘ઈન્ફ્લુએન્સર’ અને બાળ મનોચિકિત્સક પણ તેની ઊંડાણપૂર્વક તપાસ કરી રહ્યા છે.
ડિક્શનરી ડોટ કોમનું કહેવું છે કે તે દર વર્ષે એવા શબ્દો શોધે છે જે એ અસર કરે છે કે આપણે એકબીજાથી કેવી રીતે વાત કરીએ અને ઓનલાઈન કેવી રીતે સંવાદ કરીએ. વેબસાઇટે ‘વર્ષનો શબ્દ’ નક્કી કરવા માટે સર્ચ એન્જિન, સમાચાર શીર્ષકો અને સોશિયલ મીડિયા ટ્રેન્ડ્સનું વિશ્લેષણ કર્યું.
