બ્રિટનમાં 'બોએલો' (Storm Boello) નામના શક્તિશાળી વાવાઝોડાએ ભારે તારાજી સર્જી છે. આ વાવાઝોડાને કારણે સ્કોટલેન્ડ, ઉત્તરી આયર્લેન્ડ અને ઉત્તરી ઇંગ્લેન્ડના અનેક વિસ્તારોમાં હવામાન વિભાગ દ્વારા 'એમ્બર એલર્ટ' જારી કરવામાં આવ્યું છે. તોફાનના સૌથી વધુ પ્રભાવિત વિસ્તારોમાં પવનની ગતિ પ્રતિ કલાક ૧૩૦ કિમી સુધી પહોંચવાની સંભાવના વ્યક્ત કરવામાં આવી છે. ભારે પવન અને મૂશળધાર વરસાદને કારણે જનજીવન સંપૂર્ણપણે અસ્તવ્યસ્ત થઈ ગયું છે, જેનાથી વીજ પુરવઠો, માર્ગ વ્યવહાર અને દરિયાઈ ટ્રાફિકને ભારે ફટકો પડ્યો છે.
પાવર આઉટેજ અને દરિયાઈ ક્ષેત્રે કટોકટી
આ અગાઉ 'ઓસ્ટેન' તોફાને ઇંગ્લેન્ડના દક્ષિણપશ્ચિમ ભાગમાં વ્યાપક નુકસાન કર્યું હતું, અને હવે 'બોએલો' તોફાને સ્થિતિ વધુ વણસાવી છે. નેશનલ ગ્રીડના અહેવાલ મુજબ, તોફાનના કારણે ઉત્તરપશ્ચિમ ઇંગ્લેન્ડ અને અન્ય ક્ષેત્રોમાં હજારો ઘરો અને વ્યાપારી સંકુલોમાં વીજળી ગુલ થઈ ગઈ છે. તીવ્ર પવનોને કારણે વૃક્ષો ધરાશાયી થયા છે, ઇમારતોને નુકસાન પહોંચ્યું છે અને રસ્તાઓ પર કાટમાળ ફેલાઈ ગયો છે.
https://x.com/Clyde1AyrshNews/status/2114271571133005928?ref_src=twsrc%5Etfw%7Ctwcamp%5Etweetembed%7Ctwterm%5E2114271571133005928%7Ctwgr%5E%7Ctwcon%5Es1_c10&ref_url=