ડોનાલ્ડ ટ્રમ્પ અને શી જિનપિંગની સાઉથ કોરિયામાં થયેલી બેઠકમાં મોટાં નિર્ણય લેવામાં આવ્યા છે. એવામાં ટેરિફના મુદ્દા પર વાત બની, તો બીજી તરફ ટ્રમ્પ માટે માથાનો દુખાવો બનેલા સોયબીનની ખરીદી પણ ફરીથી શરૂ થવા પર સહમતિ બની છે. અમેરિકી રાષ્ટ્રપતિએ આ વિશે વાત કરતા કહ્યુ કે China Tariff 57% થી ઘટીને 47% ઓછી થશે. તેમણે કહ્યુ કે ચીની રાષ્ટ્રપતિની સાથે બેઠક શાનદાર રહી અને તેમાં અનેક મોટા નિર્ણય કરવામાં આવ્યા છે. સોયબીન પર પણ ચર્ચા થઇ અને ટ્રમ્પ પ્રમાણે ચીન દ્વારા સોયાબીનની ખરીદી તરત શરૂ કરી દેવામાં આવશે.
US-China સંબંધોની નવી શરૂઆત
ડોનાલ્ડ ટ્રમ્પે ગુરૂવારે ચીની રાષ્ટ્રપતિ શી જિનપિંગ સાથે આર્થિક અને વેપારિક સમજૂતીને લઇને મોટું એલાન કર્યુ. જેમાં ચીન પર લાગુ કરવામાં આવેલો ટેરિફમાં 10 ટકા ઘટાડો કર્યો એટલે કે હવે ચીનમાં ટેરિફ 57થી લઇને 47 ટકા કરવામાં આવ્યો. તો બીજી તરફ અન્ય વિવાદિત મુદ્દા પર ચીનની સાથે સહમતિની વાત કહેતા આ બેઠકને અદ્દભુત ગણાવી. તેમણે કહ્યુ કે અમેરિકા-ચીન સંબંધોમાં એક શાનદાર નવી શરૂઆત છે. સાઉથ કોરિયાના બુસાન શહેરમાં ડોનાલ્ડ ટ્રમ્પ અને શી જિનપિંગ વચ્ચે આશરે બે કલાકથી પણ વધારે સમય સુધી બંધ રૂમમાં વાતચીત કરી. ત્યાર બાદ ટ્રમ્પે મોટું એલાન કરતા કહ્યુ કે બેઠકમાં ઘણાં સારાં નિર્ણય લેવામાં આવ્યા અને ઘણાં મહત્વપૂર્ણ વસ્તુઓ પર નિષ્કર્ષ જલ્દી જ જાહેર કરવામાં આવશે.
