યુએસ અધિકારીઓના મતે ડોનાલ્ડ ટ્રમ્પ ઘણા મહિનાઓથી તેમના શસ્ત્રોના ભંડારમાં સંભવિત સમસ્યાઓથી માહિતગાર હતા.
સોશિયલ મીડિયા પોસ્ટ વાયરલ
આ અઠવાડિયાની કેબિનેટ બેઠક દરમિયાન ડોનાલ્ડ ટ્રમ્પે મીડિયાને શસ્ત્રોના ભંડાર વિશેની ગુપ્ત માહિતી લીક કરનારાઓ સામે કડક કાર્યવાહી કરવાની પ્રતિજ્ઞા લીધી હતી. અને આવા વ્યક્તિઓને દેશદ્રોહી ગણાવ્યા હતા. ટ્રમ્પે તેમની સોશિયલ મીડિયા પોસ્ટ, "ટ્રુથ ઇન ધ વર્લ્ડ" માં યુએસ શસ્ત્રોના ભંડાર વિશેના અહેવાલોનો પણ બચાવ કર્યો હતો. તેમણે જણાવ્યું હતું કે, યુએસ પાસે ખાસ કરીને મોટા પ્રમાણમાં ચોક્કસ પ્રકારના શસ્ત્રો છે, અને નવા શસ્ત્રોનું ઉત્પાદન ઝડપથી થઈ રહ્યું છે.
THAAD અને પેટ્રિઅટ મિસાઇલનો ભંડાર ચિંતાનું કારણ
યુએસ શસ્ત્રોના ભંડાર અંગે સૌથી મોટી ચિંતા એર ડિફેન્સ સિસ્ટમ મિસાઇલો અંગે ઉઠાવવામાં આવી છે. યુદ્ધ શરૂ થયા પછી અમેરિકાએ તેના THAAD મિસાઇલ ભંડારનો લગભગ 80 ટકા ઉપયોગ કર્યો છે. આ દરમિયાન, પેટ્રિઅટ ઇન્ટરસેપ્ટર મિસાઇલોના ભંડારમાં પણ લગભગ 50 ટકાનો ઘટાડો થયો છે. ઈરાન યુદ્ધ શરૂ થયા પહેલા, યુએસ પાસે પેટ્રિઅટ સિસ્ટમના બે આધુનિક સંસ્કરણોની આશરે 2200 મિસાઇલો અને આશરે 452 THAAD મિસાઇલો હતી. આ આંકડા યુએસ માટે ચિંતાજનક છે કારણ કે આ બે મિસાઇલો હવાઈ હુમલાઓને રોકવામાં મહત્વપૂર્ણ ભૂમિકા ભજવે છે.
અમેરિકાના ઘટી રહેલા લશ્કરી ભંડાર અંગે ખાડી દેશો ચિંતિત
અમેરિકાના ઘટી રહેલા શસ્ત્રોના ભંડારની અસર ફક્ત અમેરિકા પૂરતી મર્યાદિત નથી. ખાડી દેશોમાં પણ ચિંતા વધી રહી છે. સાઉદી અરેબિયા અને કતાર સહિત ઘણા દેશો તેમની હવાઈ સુરક્ષા માટે અમેરિકાના સંરક્ષણ પ્રણાલીઓ પર ખૂબ આધાર રાખે છે. ખાડી દેશોને ડર છે કે જો અમેરિકા ઈરાન સામે લશ્કરી કાર્યવાહી વધુ તીવ્ર બનાવે છે અને ઈરાન મિસાઈલ અથવા ડ્રોન હુમલાઓથી બદલો લે છે, તો અમેરિકાની હવાઈ સંરક્ષણ પ્રણાલીઓની મર્યાદિત ઉપલબ્ધતા પડકાર ઉભી કરી શકે છે.
ટ્રમ્પે શસ્ત્રોની અછત માટે બિડેનને દોષી ઠેરવ્યા
ટ્રમ્પે અગાઉ ભૂતપૂર્વ રાષ્ટ્રપતિ જો બિડેનના વહીવટને ઘટતા જતા અમેરિકન શસ્ત્રોના ભંડાર માટે દોષી ઠેરવ્યા છે. તેમણે આરોપ લગાવ્યો છે કે બિડેન વહીવટીતંત્રે યુક્રેનને મોટી માત્રામાં શસ્ત્રો મોકલ્યા હતા. જેનાથી અમેરિકાના ભંડાર પર દબાણ આવ્યું હતું. જો કે, ગાઝા અને યુક્રેન યુદ્ધ દરમિયાન, અમેરિકાએ ઇઝરાયલ અને યુક્રેનને મોટી માત્રામાં શસ્ત્રો અને મિસાઇલો પૂરી પાડી હતી. જેનાથી તેમના સંરક્ષણ ઉદ્યોગ અને શસ્ત્રોના ભંડાર પર નોંધપાત્ર દબાણ આવ્યું હતું.
આ પણ વાંચોઃ રાષ્ટ્રપતિ અને PM વચ્ચે સંઘર્ષ, Asif Ali Zardariની સહી વિના ન્યાયાધીશોની થશે નિમણૂક