ઓબામાએ કરેલા પોડકાસ્ટ માટે આયોજીત એક કાર્યક્રમમાં કહ્યુ કે, અમારો મંગળવાર ખૂબ જ સારો રહ્યો, આ બોલતાની સાથે જ લોકો તાળીઓના ગડગડાટથી તેમને વધાવી લીધા. તેમણે કહ્યું, આ સારો સંકેત છે કે અમેરિકન જનતા ધ્યાન આપી રહી છે. તેઓ નિર્દયતા નથી ઇચ્છતા. તેઓ એવા લોકોને નથી જોવા ઇચ્છતા, જે સત્તામાં ટકી રહેવા માટે કંઈ પણ કરવાનો પ્રયાસ કરે.
પ્રગતિશીલ અને મધ્યમાર્ગી ગઠબંધનો વચ્ચેનો મતભેદ દૂર કરશે.
ન્યૂયોર્ક સિટીના નવનિર્વાચિત મેયર અને પોતાને સમાજવાદી કહેનારા ઝોહરાન મમદાની અને વર્જીનિયા અને ન્યૂ જર્સીના ગર્વનર ચૂંટણીમાં ક્રમશઃ ડેમોક્રેટ્સ એબિગેલ સ્પેનબર્ગર અને મિકી શેરીલની જીત થઇ હતી. ત્યાર બાદથી આ ચર્ચા તેજ થઇ છે કે 2026ના મધ્યાવધિ ચૂંટણીની તૈયારી દરમિયાન પાર્ટી પોતાના પ્રગતિશીલ અને મધ્યમાર્ગી ગઠબંધનો વચ્ચેનો મતભેદ દૂર કરશે.
ડોનાલ્ડ ટ્રમ્પના પ્રદર્શનને અસ્વીકાર કર્યુ
એસોસિયેટેડ પ્રેસના વોટર પોલ મુજબ, જેમાં ન્યુયોર્ક સિટી, વર્જિનિયા, ન્યુ જર્સી અને કેલિફોર્નિયાના 17,000થી વધુ મતદારોની રાય લેવામાં આવી હતી. બહુમતી મતદારોને ભૂતપૂર્વ રાષ્ટ્રપતિ ડોનાલ્ડ ટ્રમ્પના પ્રદર્શન ને અસ્વીકાર કર્યુ અને માની લીધુ કે તેમની કઠોર ઇમિગ્રેશન નીતિ હવે હદ પાર કરી ગઇ છે.
પોડકાસ્ટમાં ઓબામાના શું શું બોલ્યા ?
ઓબામાએ સ્વીકાર્યું કે ડેમોક્રેટિક પાર્ટીમાં હજી ઘણું કામ કરવાનું બાકી છે, પરંતુ જણાવ્યું કે પાર્ટીના વિવિધ ગઠબંધનો વચ્ચેનો સંબંધ “દેખાવનો નહીં, પણ સાચો” છે. ડેમોક્રેટિક પાર્ટીના સામ્યવાદી નેતા અને મમદાનીના સમર્થક સેનેટર બર્ની સાન્ડર્સે આ અઠવાડિયાની શરૂઆતમાં કહ્યું હતું કે પાર્ટીમાં મતભેદ છે, પરંતુ તેને દૂર કરી શકાય છે. ઓબામાએ અંતમાં કહ્યું, અમે સ્વીકારીએ છીએ કે આપણા વચ્ચે તફાવતો છે. હા, કેટલીક લડાઈઓ લડવી જ પડશે, પરંતુ આપણા અંદર ક્યાંક એક અદ્ભુત સહ-મૂલ્ય છે જે અમને જોડે છે.
