અમેરિકી રાષ્ટ્રપતિ ડોનાલ્ડ ટ્રમ્પ હવે નવા ટેરિફની પ્લાનિંગ કરી રહ્યા છે, તે દવા કંપનીઓ પર 200% ટેરિફ લગાવવાની યોજના બનાવી રહ્યા છે. એવું એક મીડિયા રિપોર્ટમાં દાવો કરવામાં આવ્યો છે. જોકે હજુ સુધી અમેરિકામાં જવા કંપનીઓને ટેરિફથી છૂટ આપવામાં આવી છે. યુનાઇટેડ સ્ટેટ્સે દાયકાઓથી વિદેશી દવાઓને તેની સરહદોમાં ટેરિફ-મુક્ત પ્રવેશવાની મંજૂરી આપી છે,પરંતુ યુરોપની સાથે થયેલી એક ટ્રેડ ડીલમાં અમેરિકાએ દવાઓ સહિત કેટલીક યુરોપીય વસ્તુઓ પર 15 ટકા ટેરિફ લગાવ્યો છે. દવાઓ પર 200 ટકા ટેરિફ અમેરિકામાં દવાઓને ઘણી મોંઘી કરી દેશે અને તે ટ્ર્મ્પના વાયદાની વિરુદ્ધ છે.
ટ્રમ્પે દવા કંપનીઓને લખ્યો પત્ર
હેવી ટેરિફના કારણે દવાઓના સ્ટોકમાં પણ ભારે ઘટ આવી શકે છે. 25 ટકાના ટેરિફથી પણ ભંડારમાં 10થી 14 ટકા સુધીની ઘટાડો થઈ શકે છે. સાથે જ ટ્રમ્પે દવા ઉત્પાદક કંપનીઓ પર અમેરિકા માટે કિંમતો ઘટાડવાનો પણ દબાવ કર્યો છે. અહેવાલમાં વધુમાં જણાવાયું છે કે ટ્રમ્પે અનેક કંપનીઓને પત્ર લખીને વિનંતી કરી છે કે તેઓ અમેરિકામાં મોસ્ટ ફેવર્ડ નેશન (MFN) હેઠળ નવી કિંમતો શરૂ કરવાની યોજના બનાવે. ટ્રમ્પે કહ્યું છે કે તેઓ ટેરિફને એક કે દોઢ વર્ષ માટે ટાળી દેશે, જેથી કંપનીઓને દવાઓનો સ્ટોક એકઠો કરવાનો અને ઉત્પાદનને અમેરિકામાં ખસેડવાનો મોકો મળી શકે.
દવાઓ અને ઇનશ્યોરન્સ પ્રીમિયમ બંને મોંઘા થઇ શકે છે
એક રિપોર્ટ પ્રમાણે ટેરિફથી સૌથી વધુ નુકસાન ગ્રાહકોને થશે, કારણ કે તેમને મોંઘી દવાઓ ખરીદવી પડશે. આનો સીધો અસર એ લોકોને પડશે, જે દવાઓ માટે સીધું પેમેન્ટ કરે છે, અને આટલુ જ નહીં, ઇનડાયરેક્ટ રીતે ઇનશ્યોરન્સના પ્રીમિયમમાં પણ વધારો થઈ શકે છે.
