World : અમેરિકામાં ભારતીય વિદ્યાર્થીની ગોળી મારીને હત્યા કરાઈ, પેટ્રોલ પંપ પર કામ કરતા થયો હુમલો

 હૈદરાબાદના 24 વર્ષીય ભારતીય વિદ્યાર્થીની કથિત રીતે અમેરિકાના ડલાસમાં એક પેટ્રોલ પંપ પર કામ કરતી વખતે ગોળી મારીને હત્યા કરી દેવામાં આવી છે. હૈદરાબાદથી બેચલર ઓફ ડેન્ટલ સર્જરીનો અભ્યાસ પૂરો કર્યા બાદ 2023માં અમેરિકામાં જતો રહ્યો. તે પેટ્રોલ પંપ પર પાર્ટ ટાઇમ કામ કરતા કોઈ ફુલ ટાઇમ રોજગાર શોધી રહ્યો હતો.

ભારતીય વિદ્યાર્થીની હત્યા 

ગોળીબાર નાઇફ શિફ્ટ દરમિયાન થઈ હતી. જ્યારે એક અજાણ્યા બંદૂકધારીએ ગોળીબાર કર્યો. આ ઘટનાથી સંબંધિત વિસ્તૃત જાણકારીની રાહ જોવાઈ રહી છે કેમ કે આ કેસમાં હાલમાં તપાસ ચાલી રહી છે. પોલના પરિવારે ભારત સરકારને તેના પાર્થિવ શરીરને સ્વદેશ મોકલવામાં મદદ કરવા અપીલ કરી છે. હૈદરાબાદમાં બીઆરએસ ધારાસભ્ય સુધીર રેડ્ડી અને પૂર્વ મંત્રી ટી હરીશ રાવે પરિવાર સાથે મળીને પોતાની સંવેદના વ્યક્ત કરી છે.

પરિવારે રાજ્ય સરકાર પાસે માગ કરી

એક ઓનલાઈન પોસ્ટમાં રાવે આ હત્યાને દુખદ ઘટના ગણાવી અને સરકાર પાસે છાત્રના પાર્થિવ શરીરને પરત લાવવા માટે તત્કાળ પગલાં ઉઠાવવાનો આગ્રહ કર્યો છે. તેમણે લખ્યું છે કે માતા-પિતા જે દર્દમાંથી પસાર થઈ રહ્યા છે, આ જાણીને તેમનો દીકરો, જેમના વિશે તેમને લાગતું હતું કે તે મોટી સિદ્ધિઓ પ્રાપ્ત કરશે, પણ હવે નથી રહ્યો. તે ખૂબ જ દુખદ છે. તેમણે આગળ કહ્યું કે, અમે બીઆરએસ તરફથી, રાજ્ય સરકાર પાસે માગ કરીએ છીએ કે ચંદ્રશેખરના પાર્થિવ દેહને જલદી ઘરે પહોંચાડવામાં શક્ય તમામ પ્રયાસ કરવામાં આવે.