યુદ્ધમાંથી ચીનના ખસી જવાના ઘણા મહત્વપૂર્ણ કારણો સામે આવ્યા છે.
રાજનૈતિક નિષ્ણાંતોએ શું કહ્યુ ?
ઈરાન અમેરિકાના હુમલાના ભયનો સામનો કરી રહ્યું છે. ઈરાન કહે છે કે જો અમેરિકા હુમલો કરે છે. તો તેને યુદ્ધ ગણવામાં આવશે. દરમિયાન, ચીનના ઇનપુટ્સ સૂચવે છે કે ચીન ખુલ્લેઆમ ઈરાનને ટેકો નહીં આપે. નિષ્ણાતો કહે છે કે જો ચીન હસ્તક્ષેપ કરે છે. તો તેને વેનેઝુએલા કરતાં વધુ નુકસાન થઈ શકે છે.
1. યુદ્ધમાં મદદ કરવાનું ટાળવું
નિષ્ણાતોના મતે, આ ચીનની લાંબા સમયથી ચાલતી વિદેશ નીતિનો એક ભાગ છે. શાંઘાઈ ઇન્ટરનેશનલ સ્ટડીઝ યુનિવર્સિટીના મધ્ય પૂર્વના નિષ્ણાત વેન શાઓબિયાઓ કહે છે કે બેઇજિંગ આંતરિક બાબતોમાં દખલ ન કરવાની નીતિનું પાલન કરે છે. આ કારણોસર, ચીન લશ્કરી હસ્તક્ષેપ ટાળે છે અને પોતાને રાજદ્વારી નિવેદનો અથવા આર્થિક સહયોગ સુધી મર્યાદિત રાખે છે.
2. ઈરાનથી ચીનમાં પ્રવેશતા શરણાર્થીઓનો ભય
વેન શાઓબિયાઓના મતે, જો ઈરાનમાં શાસન પરિવર્તન અરાજકતા, ગૃહયુદ્ધ અથવા તો દેશના પતન તરફ દોરી જાય છે, તો એક વિશાળ શરણાર્થી સંકટ ઊભું થઈ શકે છે. આનાથી ઈરાનના પડોશી દેશો પર દબાણ વધશે અને સમગ્ર મધ્ય પૂર્વની સ્થિરતા પર અસર પડશે, જે ચીનના વેપાર અને રોકાણ માટે હાનિકારક હશે.
3. ચીન અમેરિકા સાથે સીધો મુકાબલો ઇચ્છતું નથી
નેશનલ યુનિવર્સિટી ઓફ સિંગાપોરના રિસર્ચ ફેલો જીન-લૂપ સામન કહે છે કે ચીન જાણે છે કે ઈરાનને ટેકો આપવાથી અમેરિકા અથવા ઇઝરાયલ સાથે સીધો મુકાબલો થઈ શકે છે. બેઇજિંગ આવી પરિસ્થિતિમાં ફસાવવા માંગતું નથી, તેથી તે લો પ્રોફાઇલ જાળવી રાખશે. ચીન ફક્ત વાતચીત દ્વારા મુદ્દાઓનું નિરાકરણ લાવવાનો આગ્રહ રાખશે.
4. ઈરાનને ટેકો આપવાની કોઈ જવાબદારી નથી
જીન-લૂપ સામનના મતે, ચીન અને ઈરાન વચ્ચે કોઈ ઔપચારિક લશ્કરી જોડાણ કે કરાર નથી જેના માટે ઈરાનને ટેકો આપવાની જરૂર હોય. બંને દેશો વચ્ચેના સંબંધો ભાગીદારી સુધી મર્યાદિત છે. વધુમાં, ચીન સ્વીકારે છે કે ઈરાન રશિયાની નજીક છે અને રશિયાની વ્યૂહાત્મક ક્ષમતાઓ નબળી પડી રહી છે, તેથી બેઇજિંગ કોઈપણ યુદ્ધમાં સામેલ થવા માંગતું નથી.
આ પણ વાંચોઃ Business News: ભારતીય તેલ કંપનીઓએ વિદેશમાં લગાવી મોટી છલાંગ, અબુ ધાબીમાં મળ્યું ક્રૂડ ઓઇલ