હદ્રામૌતમાં તેની સામે સાઉદી સમર્થિત કાર્યવાહીનો અર્થ એ છે કે UAEનો પ્રભાવ સીધો પડકાર હેઠળ આવ્યો છે.
લશ્કરી થાણાઓ ફરીથી કબજે કરવા જાહેરાત
સાઉદી સમર્થિત કાર્યવાહીને કારણે યમનમાં યુએઈને મોટો ફટકો પડ્યો છે. હદ્રામૌતના ગવર્નરે UAE સમર્થિત દક્ષિણ ટ્રાન્ઝિશનલ કાઉન્સિલ પાસેથી લશ્કરી થાણાઓ ફરીથી કબજે કરવા માટે ઓપરેશનની જાહેરાત કરી છે. આ નિર્ણયથી સાઉદી અરેબિયા અને UAE વચ્ચે તણાવ વધવાની ધારણા છે. STCને યમનમાં UAEનો સૌથી મજબૂત પ્રોક્સી માનવામાં આવે છે. જોકે ગવર્નરે સ્પષ્ટ કર્યું કે આ યુદ્ધની જાહેરાત નથી.
સૈનિકો પાછા ખેંચવાની માંગ
યુએઈ ખુલ્લેઆમ એસટીસીને ટેકો આપે છે. જ્યારે સાઉદી અરેબિયા યમનની આંતરરાષ્ટ્રીય સ્તરે માન્યતા પ્રાપ્ત સરકારની પાછળ છે. ડિસેમ્બરથી બંને ખાડી દેશો વચ્ચે મતભેદો સામે આવ્યા હતા. ગયા અઠવાડિયે યુએઈએ યમનમાંથી તેના બાકીના દળો પાછા ખેંચવાની જાહેરાત કરી હતી. સાઉદી અરેબિયાના દબાણ બાદ આ નિર્ણય લેવામાં આવ્યો હતો, જેમાં યુએઈને 24 કલાકની અંદર તેના સૈનિકો પાછા ખેંચવાની માંગ કરવામાં આવી હતી.
યુએઈ સમર્થિત એસટીસી પર સીધો હુમલો
હદ્રામૌતના ગવર્નર સલેમ અહેમદ સઈદ અલ-ખુનબાશીએ જણાવ્યું હતું કે તેમનું ઓપરેશન લશ્કરી થાણાઓ સુધી મર્યાદિત રહેશે અને તેનો હેતુ પ્રાંતમાં કાયદો અને વ્યવસ્થા પુનઃસ્થાપિત કરવાનો રહેશે. યમનની સાઉદી સમર્થિત સરકારે તેમને હોમલેન્ડ શીલ્ડ ફોર્સિસ પર સંપૂર્ણ લશ્કરી, સુરક્ષા અને વહીવટી અધિકાર આપ્યો છે. આ નિર્ણય એવા સમયે આવ્યો છે જ્યારે એસટીસીએ ગયા મહિને દક્ષિણ યમનના મોટા વિસ્તારો પર કબજો કર્યો હતો, જેને સાઉદી સમર્થિત સરકારે ખતરો માન્યો હતો.
આ પણ વાંચોઃ Pakistan News: તક્ષશિલા ખાતે પાકિસ્તાનના ખોદકામમાં મળ્યો ભારતનો 2 હજાર વર્ષ જૂનો કુષાણ યુગનો ખજાનો