પાકિસ્તાનના આર્મી ચીફ અસીમ મુનીરે પાકિસ્તાનના ખનિજો મેળવવા માટે પાસનીમાં એક બંદર વિકસાવવા માટે અમેરિકાનો સંપર્ક કર્યો છે. ગયા મહિને શાહબાઝ શરીફ અને અસીમ મુનીર વચ્ચે ડોનાલ્ડ ટ્રમ્પ સાથે થયેલી મુલાકાત બાદ પાકિસ્તાને અમેરિકાને આ પ્રસ્તાવ મૂક્યો હતો. મળતી માહિતી અનુસાર પાકિસ્તાનના આર્મી ચીફ ફિલ્ડ માર્શલ અસીમ મુનીરના સલાહકારોએ અરબી સમુદ્રમાં એક બંદર વિકસાવવા અને તેનું સંચાલન કરવાનો પ્રસ્તાવ અમેરિકન અધિકારીઓનો સંપર્ક કર્યો કર્યો હતો
મુનીર-ટ્રમ્પની મુલાકાત પહેલા જ તૈયાર કરી દેવાયો હતો પ્રસ્તાવ
મળતી માહિતી અનુસાર પ્રસ્તાવિત યોજનામાં અરબી સમુદ્ર કિનારે આવેલા પાસની શહેરમાં એક ટર્મિનલ બનાવવા અને તેનું સંચાલન કરવાનો સમાવેશ થાય છે જેથી અમેરિકન રોકાણકારોને પાકિસ્તાનના મહત્વપૂર્ણ ખનિજો સુધી પહોંચ મળી શકે. પાસની એ બલુચિસ્તાન પ્રાંતના ગ્વાદર જિલ્લામાં સ્થિત એક બંદર શહેર છે, જે અફઘાનિસ્તાન અને ઈરાનની સરહદે છે.
પોર્ટનો ઉપયોગ માત્ર આર્થિક વિકાસ માટે કરાશે
સપ્ટેમ્બરમાં વ્હાઇટ હાઉસમાં અસીમ મુનીર અને વડા પ્રધાન શાહબાઝ શરીફની અમેરિકન રાષ્ટ્રપતિ ડોનાલ્ડ ટ્રમ્પ સાથે મુલાકાત બાદ પાકિસ્તાનનો આ પ્રસ્તાવ આવ્યો છે. આ બેઠક દરમિયાન પાકિસ્તાને કૃષિ, ટેકનોલોજી, ખાણકામ અને ઉર્જા ક્ષેત્રોમાં યુએસ રોકાણની વિનંતી કરી હતી. સૂત્રોના જણાવ્યા અનુસાર, આ પ્રસ્તાવની જાણ યુએસ અધિકારીઓને અગાઉથી કરવામાં આવી હતી અને બાદમાં અસીમ મુનીરને રજૂ કરવામાં આવી હતી. નોંધપાત્ર રીતે, આ યોજના સ્પષ્ટ કરે છે કે બંદરનો ઉપયોગ યુએસ લશ્કરી હેતુઓ માટે કરવામાં આવશે નહીં, પરંતુ તેનો હેતુ પશ્ચિમ પાકિસ્તાનના ખનિજ સમૃદ્ધ પ્રાંતોને જોડતા રેલ કોરિડોરના વિકાસમાં રોકાણ સુરક્ષિત કરવાનો છે.
અમેરિકા અને પાકિસ્તાન વચ્ચે કેટલો વેપાર છે?
શાહબાઝ શરીફની વ્હાઇટ હાઉસ મુલાકાત દરમિયાન, પાકિસ્તાન અને અમેરિકા વચ્ચેના વેપાર અંગે પણ કેટલાક કરાર થયા હતા. જૂન 2024 સુધીમાં, અમેરિકા અને પાકિસ્તાન વચ્ચે કુલ માલ અને સેવાઓનો વેપાર US$10.1 બિલિયન સુધી પહોંચવાનો અંદાજ છે, જે ગયા વર્ષની સરખામણીમાં આ વર્ષે અત્યાર સુધીમાં 6.3 ટકાનો વધારો છે. પાકિસ્તાનથી અમેરિકામાં કુલ કાપડ અને સેવાઓની નિકાસ US$5.1 બિલિયન અને અમેરિકાથી પાકિસ્તાનમાં નિકાસ US$2.1 બિલિયન થઈ છે. બંને દેશો વચ્ચે વેપાર ખાધ US$3 બિલિયન સુધી પહોંચી ગઈ છે, જે ગયા વર્ષની સરખામણીમાં 5.9 ટકાનો વધારો છે.
