- પાકિસ્તાનમાં બેલ્ઝિયમ દેશની મહિલા સાથે સામૂહિક દુષ્કર્મ આચરાયું
- આરોપીએ મહિલાનાં હાથ-પગ બાંધી રોડ પર ફેંકી દસ્તાવેજો પણ ગુમ કરી દીધા
- પોલીસને જાણ થતા મહિલાની તપાસ માટે મોકલી એક આરોપીને ઝડપી પાડયો
પાડોશી દેશ પાકિસ્તામાં 14 ઓગસ્ટે સ્વાતંત્ર્ય દિવસે એક ઘટનાએ દેશ સહિત વિદેશમાં ભારે શરમમાં મૂકી દીધા છે. વાત જાણે એમ છે કે, પાકિસ્તાનમાં એક વિદેશી મહિલા સાથે ગેંગરેપની ઘટના બની છે. મહિલા બેલ્ઝિયમની રહેવાસી છે અને ઈસ્લામાબાદના જી-6/4 વિસ્તારમાં માર્ગ પર હાથ-પગ બાંધેલી હાલતમાં માર્ગ પર તરછોડી દેવાયેલી સ્થિતિમાં મળી આવી છે.
સમગ્ર ઘટનાની જાણકારી પોલીસને થઈ કે, હોબાળો મચી ગયો. આ વિદેશી મહિલા સાથે પાંચ દિવસ સુધી ગેંગરેપ થયો. પીડિતાની નિવેદનના આધારે પોલીસે એક શખ્સની ધરપકડ કરી છે. પાકિસ્તાનમાં આઝાદી દિવસે આ ઘટનાને તમામને શર્મશાર કરી દીધા છે.
ચારેબાજુથી ઘટનાને લઈ પસ્તાળ પાડી
મળતી માહિતી અનુસાર, બેલ્ઝિયમની આ પીડિત મહિલાનાં હાથ પાછળના ભાગે બંધાયેલા હતા. આરોપી તેને માર્ગ પર ફેંકીને પલાયન થઈ ગયો હતો. મહિલાની ઉંમર 28 વર્ષની છે. જ્યારે સ્થાનિક લોકોએ આ વિદેશી મહિલાને માર્ગ પર પડેલી સ્થિતિમાં જોઈ તો સ્થાનિકોને પણ ભારે આઘાત લાગ્યો હતો. બાદમાં લોકોએ તાબડતોબ પોલીસને આ ઘટનાની જાણ કરી હતી. મહિલાએ પોલીસને જણાવ્યું કે, તેની સાથે પાંચ દિવસ સુધી સામૂહિક દુષ્કર્મ આચરવામાં આવ્યું છે. જો કે, તેને સ્થળ વિશે કોઈ જાણકારી નથી. સમગ્ર મામલે પોલીસે તમીઝુદ્દીન નામના એક શખ્સની ધરપકડ કરી આગળની તપાસ વધુ હાથ ધરી છે.
બેલ્ઝિયમ દૂતાવાસે ઘટનાને વખોડી
પાકિસ્તાનમાં ગેંગરેપ કેસમાં ધરપકડ કરવામાં આવેલા યુવકે દાવો કર્યો કે, મહિલા માનસિક રીતે બીમાર છે, તેની પાસે કોઈ ઓળખપત્ર પણ નથી. આવામાં તેની મેડિકલ તપાસ માટે લઈ જવામાં આવી છે. પોલીસના દાવાની તપાસ કરવામાં આવી રહી છે. આ સિવાય બેલ્ઝિયમની મહિલાના ખોવાઈ ગયેલા દસ્તાવેજોની પણ તપાસ કરવામાં આવી રહી છે. બેલ્ઝિયમના દૂતાવાસે આ ઘટનાને લઈ સોશિયલ મીડિયા એકસ પર પોસ્ટ મૂકી છે. જો કે, અત્યાર સુધી આની પુષ્ટિ નથી શકી. હાલ દૂતાવાસ પાકિસ્તાનમાં બનેલી ગેંગરેપની સમગ્ર ઘટના પર નજર રાખી રહ્યું છે.
