Pakistan: પાકિસ્તાનમાં હેલન મેરી રોબર્ટસ પ્રથમ લઘુમતી મહિલા બ્રિગેડિયર બની

• ગયા વર્ષે વડાપ્રધાન શાહબાઝ શરીફે હેલન રોબર્ટસને સખત મહેનત માટે અભિનંદન આપ્યા હતા
  
• પાકિસ્તાન દેશની પ્રથમ મહિલા બ્રિગેડિયર બની હેલન મેરીએ ઈતિહાસ રચ્યો
• પાકિસ્તાનના કાયદા મંત્રીએ ન્યાય તંત્રમાં લઘુમતી સમુદાયના જજને સમાવેશ કરવા ભલામણ કરી

પાડોશી દેશ પાકિસ્તાનમાં આતંવાદ, મોંઘવારી, વીજકાપ, કાળઝાળ ગરમી વચ્ચે એક સારા સમાચાર આવ્યા છે. જી હા..હેલન મેરી રોબર્ટ્સ પાકિસ્તાન આર્મીમાં લઘુમતી સમુદાયમાંથી પ્રથમ મહિલા બ્રિગેડિયર બની છે. બ્રિગેડિયર રોબર્ટ્સ પાકિસ્તાની ખ્રિસ્તી સમુદાયના સભ્ય છે. તેણીએ લઘુમતી સમુદાયમાંથી દેશની પ્રથમ મહિલા બ્રિગેડિયર બનીને ઈતિહાસ રચ્યો છે. ગયા વર્ષે રાવલપિંડીમાં ક્રિસમસના અવસર પર આર્મી ચીફ જનરલ અસીમ મુનીરે પાકિસ્તાનના વિકાસમાં ખ્રિસ્તી સમુદાયની ભૂમિકાની પ્રશંસા કરી હતી. વડાપ્રધાન શાહબાઝ શરીફે કહ્યું કે સમગ્ર દેશે બ્રિગેડિયર રોબર્ટ્સને અભિનંદન પાઠવ્યા છે. તેમણે બ્રિગેડિયર રોબર્ટ્સની સખત મહેનત માટે પ્રશંસા કરી.

કાયદા મંત્રીએ ઉચ્ચ ન્યાયતંત્રમાં લઘુમતી સમુદાયના ન્યાયાધીશોનો સમાવેશ કરવાની હિમાયત કરી હતી

પાકિસ્તાનના કાયદા પ્રધાન આઝમ નઝીર તરારે પાકિસ્તાનની ઉચ્ચ ન્યાયતંત્રમાં લઘુમતી સમુદાયોના ન્યાયાધીશોને સામેલ કરવાની હિમાયત કરી હતી. શનિવારે જસ્ટિસ કેઆર કોર્નેલિયસ કોન્ફરન્સમાં બોલતા, તરરે પાકિસ્તાનમાં ધાર્મિક સ્વતંત્રતા અને લઘુમતી અધિકારોના મહત્વ પર ભાર મૂક્યો હતો. આ દરમિયાન તેમણે લઘુમતી સમુદાયના જજોને દેશના ઉચ્ચ ન્યાયતંત્રમાં સામેલ કરવાની ઈચ્છા વ્યક્ત કરી હતી.

આઝમ નઝીર તરારે કહ્યું કે પાકિસ્તાનનું બંધારણ સંપૂર્ણ ધાર્મિક સ્વતંત્રતાની ખાતરી આપે છે. તેમણે લઘુમતી અધિકાર પંચની સ્થાપના કરવા અને લઘુમતી કાયદા અધિકારીઓ અને કાનૂની સલાહકારો માટે અનામત આપવાનો આગ્રહ કર્યો. સુપ્રીમ કોર્ટના ન્યાયાધીશ જસ્ટિસ મન્સૂર અલી શાહે તરારની અપીલને સમર્થન આપ્યું હતું અને લઘુમતી ન્યાયાધીશોની નિમણૂકની પણ હિમાયત કરી હતી.