- PM મોદી રશિયાની બે દિવસીય મુલાકાતે
- પુતિનના નિવાસસ્થાને PM મોદીએ કરી મુલાકાત
- વિવિધ મુદ્દાઓ પર પુતિન અને PM મોદી વચ્ચે બેઠક કરી
ભારતના વડાપ્રધાન નરેન્દ્ર મોદીએ રશિયાના રાષ્ટ્રપતિ વ્લાદિમીર પુતિન સાથે તેમના નિવાસસ્થાને મુલાકાત કરી હતી. આ પછી બંને નેતાઓ વચ્ચે ખાનગી મુલાકાત થઈ હતી અને બંનેએ સાથે ખાનગી ડિનર પણ કર્યું હતું. પીએમ મોદી રશિયાની બે દિવસીય સત્તાવાર મુલાકાતે છે.
PM મોદી મોસ્કોમાં રાષ્ટ્રપતિ પુતિન સાથે 22મી ભારત-રશિયા વાર્ષિક સમિટ યોજશે. રશિયામાં ભારતના રાજદૂત વિનય કુમારે કહ્યું હતું કે વડા પ્રધાન મોદીની રશિયાની મુલાકાત અને રાષ્ટ્રપતિ વ્લાદિમીર પુતિન સાથેની તેમની વાતચીત દ્વિપક્ષીય વેપાર અને આર્થિક સંબંધો, વિજ્ઞાન અને તકનીક સંશોધનના કેટલાક નવા ક્ષેત્રો પર ધ્યાન કેન્દ્રિત કરશે.
