- વિશ્વભરમાં 'મન કી બાત'નાં 100મા એપિસોડની ઉજવણી
- અમેરિકામાં 200થી વધુ સ્થળોએ 'મન કી બાત' સાંભળવા માટે કાર્યક્રમોનું આયોજન
- ભારતીય સમુદાયના સભ્યોના વિશાળ મેળાવડામાં જોડાયા
ભારતીય સમુદાય સંગઠનોએ વડા પ્રધાન નરેન્દ્ર મોદીના લોકપ્રિય માસિક રેડિયો સંબોધનના 100મા એપિસોડની ઉજવણી કરવા માટે અમેરિકામાં 200થી વધુ સ્થળોએ 'મન કી બાત' સાંભળવા માટે કાર્યક્રમોનું આયોજન કર્યું હતું. રેડિયો સંબોધનના વિવિધ એપિસોડમાં વડા પ્રધાને વિશ્વમાં વસતા ભારતીય સમુદાય દ્વારા આપવામાં આવેલા યોગદાન પર પ્રકાશ પાડ્યો હતો. વિદેશ પ્રધાન એસ જયશંકર પોતે રવિવારે ન્યુ જર્સીમાં એક વિશેષ સમુદાય કાર્યક્રમમાં ભારતીય સમુદાયના સભ્યોના વિશાળ મેળાવડામાં જોડાયા હતા.
દરેક જગ્યાએ લોકો હાજર થયા
સંગઠનના 'ઓવરસીઝ ફ્રેન્ડ્સ ઓફ બીજેપી' રાષ્ટ્રીય અધ્યક્ષ અદાપા પ્રસાદે જણાવ્યું હતું કે 'મન કી બાત'ના 100મા એપિસોડ સાથે સંબંધિત કાર્યક્રમો રવિવારે ગ્રેટર વોશિંગ્ટન ડીસી વિસ્તારમાં 24 સ્થળોએ યોજવામાં આવ્યા હતા. જેમાં રાષ્ટ્રીય રાજધાની અને બે પડોશી રાજ્યોનો સમાવેશ થાય છે. મેરીલેન્ડ અને વર્જિનિયાના રાજ્યોનો સમાવેશ થાય છે. શીખ સમુદાયે મેરીલેન્ડના એલ્ક્રિજમાં પણ એક કાર્યક્રમનું આયોજન કર્યું હતું. પ્રસાદે કહ્યું હતું કે, કેલિફોર્નિયાથી ન્યૂ ઇંગ્લેન્ડ સુધી, મિશિગનથી ટેક્સાસ સુધી, નેવાડાથી મિડ-એટલાન્ટિક સુધી દરેક જગ્યાએ લોકો હાજર હતા.
અગ્રણી સભ્યોએ સાંભળી મોદીના મનની વાત
અમેરિકામાં ભારતના રાજદૂત તરનજીત સિંહ સંધુ, ન્યૂયોર્કમાં ભારતના કોન્સલ જનરલ રણધીર જયસ્વાલ, ભારતીય-અમેરિકન સેનેટર કેવિન થોમસ, ભારતીય-અમેરિકન એસેમ્બલી વુમન જેનિફર રાજકુમાર અને એડિસન મેયર સેમ જોશી અને ભારતીય-અમેરિકન સમુદાયના અન્ય અગ્રણી સભ્યોમાં સામેલ હતા. વડા પ્રધાનના 'મન કી બાત' કાર્યક્રમના નવીનતમ એપિસોડને સાંભળવા માટે સમુદાયના નેતાઓ દેશભરમાં 200થી વધુ સ્થળોએ એકઠા થયા હતા.
