- અફઘાનિસ્તાનમાં તાલીબાનની મનમાની
- મહિલાઓને લઇ લગાવ્યા કડક પ્રતિબંધ
- મહિલા-પુરુષોને એક સાથે બેસવા પર રોક
તાલીબાની રાજે અફઘાનિસ્તાનની સુરત બદલી નાખી છે. અનેક પ્રતિબંધોનો સામનો કરી રહેલી તાલીબાની મહિલાઓને હવે રેસ્ટોરાંમાં જવા ઉપર પણ રોક લગાવી દેવામાં આવી છે. તાલીબાનની રેસ્ટોરાંમાં મહિલા-પુરુષોને એક સાથે બેસવા ઉપર રોક લગાવાઈ છે. આતંકવાદી સંગઠને ફરમાન બહાર પાડ્યું છે કે, પાર્કમાં મહિલા અને પુરુષ અલગ અલગ દિવસે ફરવા માટે જઈ શકે છે. અફઘાનિસ્તાનના ત્રીજા સૌથી મોટા શહેર હેરાતમાં મહિલાઓને ડ્રાઈવીંગ લાયસન્સ આપવા ઉપર પણ પ્રતિબંધ લાદી દેવામાં આવ્યો છે. સાથે જ તેમના તમામ શરીરને ઢાંકીને રાખવા માટે જણાવવામાં આવ્યું છે.
અખબારની માહિતી અનુસાર, હેરાતમાં તાલીબાનની જેલ પણ છે, જ્યાં મહિલાઓને કોઈ કારણ વગર પુરુષ સાથી સાથે ટેક્ષીમાં બેસવા માટે કોઇપણ કેસ ચલાવ્યા વિના જ કેદ કરી લેવામાં આવે છે. સ્કૂલના વિદ્યાર્થીઓને પણ તેમના સહપાઠી પુરુષ સાથી સાથે ફોટો ખેંચવા માટે પણ સજા કરવામાં આવે છે. તાલીબાની ડિક્સનરીમાં આવા કામો ગુનાની શ્રેણીમાં આવે છે. અફઘાનિસ્તાનમાં જાહેરમાં માનવ અધિકારોનું અને મહિલા અધિકારોનું હનન થઇ રહ્યું છે. તાલીબાની વાયદાઓ આપી ફરી ગયા છે જેમાં તેઓએ તેમના પાછલા કાર્યકાળ દરમ્યાન ઉદારતાથી શાસન કરવાની વાત કરી હતી.
