ઈઝરાયલ સામે લાગેલા નરસંહારના આરોપ પર શુક્રવારે ICJ ચુકાદો આપશે

• સાઉથ આફ્રિકાએ ઈઝરાયલ સામે નરસંહારના આરોપ મુક્યા
  
• ગાઝામાં ઈઝરાયલના સૈન્ય અભિયાનને રોકવા સાઉથ આફ્રિકા ICJના શરણે
  
• ઈઝરાયલ-હમાસ વચ્ચે ત્રણ માસથી ભીષણ યુદ્ધ યથાવત્

ઈઝરાયલ અને હમાસ વચ્ચે છેલ્લા ત્રણ મહિનાથી ભીષણ યુદ્ધ યથાવત્ છે. આ દરમિયાન આંતરરાષ્ટ્રીય કોર્ટે મહત્ત્વની જાહેરાત કરી છે. કોર્ટનું કહેવું છે કે શુક્રવારે દક્ષિણ આફ્રિકાના આરોપો પર નિર્ણય આપશે. મહત્ત્વનું છે કે દક્ષિણ આફ્રિકાએ ઈઝરાયલ વિરુદ્ધ ગાઝામાં નરસંહારનો આરોપ લગાવતા કોર્ટના શરણે ગયો હતો. કોર્ટે દક્ષિણ આફ્રિકાને અપીલ કરી કે તે જલ્દીથી જલ્દી ઈઝરાયલી સૈન્ય અભિયાનને રોકવાનો આદેશ આપે.

મીડિયા અહેવાલ અનુસાર આઈસીજેએ બુધવારે પ્રસિદ્ધ કરેલા એક નિવેદનમાં કોર્ટે જણાવ્યું કે શુક્રવારે બપોરે એક વાગ્યે હેગના પીસ પેલેસમાં એક જાહેર બેઠકનું આયોજન થશે. આ દરમિયાન જજ જોન ઈ.ડોનોગ્યુ કોર્ટનો ચુકાદો વાંચશે. 26 જાન્યુઆરીએ કોર્ટમાં ગાઝામાં ઈઝરાયલના કથિત નરસંહારને અટકાવવા પર પોતાનો ચુકાદો જાહેર કરશે.

આફ્રિકા અને ઈઝરાયલે કોર્ટમાં રાખ્યો પોતાનો પક્ષ

આ અગાઉ સુનાવણી દરમિયાન આંતરરાષ્ટ્રીય કોર્ટમાં દક્ષિણ આફ્રિકાના વકીલે કહ્યું હતું કે કોર્ટમાં ગત 13 અઠવાડિયાથી પુરાવા રજૂ કરાયા છે. વકીલના જણાવ્યા પ્રમાણે ગાઝાના લોકો પીડિત છે. ગાઝાના લોકોની પીડાને માત્ર કોર્ટના આદેશથી રોકી શકાશે. સુનાવણી દરમિયાન ઈઝરાયલના વડાપ્રધાન બેંઝામિન નેતન્યાહૂએ એક વીડિયો માધ્યમથી પોતાનો પક્ષ રાખ્યો હતો. તેમને કહ્યું કે આ એક ઊલ્ટી દુનિયા છે. ઈઝરાયલ પર નરસંહારનો આરોપ લગાવ્યો છે જો કે ઈઝરાયલતો નરસંહારથી લડી રહ્યું છે. દક્ષિણ આફ્રિકાનું પાખંડ આકાશ સુધી ફેલાયેલું છે. ઈઝરાયલના વિદેશ મંત્રાલયના પ્રવક્તા લિયોર હયાતે ટવિટ કરી કહ્યું હતું કે દક્ષિણ આફ્રિકા દ્વારા કોર્ટમાં રજૂ કરાયેલો કેસ સૌથી મોટો પાખંડ છે. કોર્ટમાં તેમની કાયદાની ટીમ હમાસ પ્રતિનિધિના રૂપમાં કામ કરી રહી છે. દક્ષિણ આફ્રિકાના દાવા નિરાધાર અને જૂઠા છે.