- ઈન્ડોનેશિયામાં ભૂકંપના આંચકાથી લોકોમાં ભય
- કેપુલુઆન બાટુમાં 6.1ની તીવ્રતાનો પ્રથમ ભૂકંપ
- થોડા કલાકો બાદ 5.8ની તીવ્રતાનો બીજો ભૂકંપ આવ્યો
યુરોપિયન મેડિટેરેનિયન સિસ્મોલોજીકલ સેન્ટર (EMSC) એ માહિતી આપી હતી કે, રવિવારે (23 એપ્રિલ) સવારે ઈન્ડોનેશિયાના કેપુલુઆન બાટુમાં લગભગ 6 તીવ્રતાના બે ભૂકંપ આવ્યા હતા. રવિવારે કેપુલુઆન બાટુમાં 6.1ની તીવ્રતાનો પ્રથમ ભૂકંપ આવ્યો હતો. થોડા કલાકો બાદ 5.8ની તીવ્રતાનો બીજો ભૂકંપ આવ્યો હતો. ભૂકંપ બાદ લોકોમાં ભયનો માહોલ જોવા મળ્યો હતો અને અમુક વિસ્તારમાં દોડ-ધામ મચી ગઈ હતી.
યુરોપિયન મેડિટેરેનિયન સિસ્મોલોજીકલ સેન્ટર (EMSC) એ માહિતી આપી હતી કે, પ્રથમ ભૂકંપનું કેન્દ્ર પૃથ્વીની નીચે 43 કિમી અને બીજા ભૂકંપનું કેન્દ્ર 40 કિમીની ઊંડાઈએ હતું. જોકે આ ભૂકંપના કારણે કોઈ જાનહાની થઈ નથી. ઈન્ડોનેશિયામાં વારંવાર ભૂકંપ આવે છે.
ઇન્ડોનેશિયામાં ગયા શુક્રવારે પણ ભૂકંપ આવ્યો
ઈન્ડોનેશિયામાં આ અઠવાડિયે શુક્રવારે વધુ એક શક્તિશાળી ભૂકંપના આંચકા અનુભવાયા છે. જર્મન રિસર્ચ સેન્ટર ફોર જીઓસાયન્સિસના જણાવ્યા અનુસાર રિક્ટર સ્કેલ પર ભૂકંપની તીવ્રતા 6.0 નોંધવામાં આવી હતી. આ ભૂકંપનો આંચકો ભારતીય સમય અનુસાર બપોરે 3:51 કલાકે અનુભવાયો હતો. ઈન્ડોનેશિયામાં ભૂકંપ આવવાનું સૌથી મોટું કારણ એ છે કે તે ખૂબ જ સંવેદનશીલ જગ્યા પર આવેલું છે જ્યાં ભૂકંપ આવતા રહે છે. આ જગ્યાને રીંગ ઓફ ફાયર પણ કહેવામાં આવે છે.
ભૂકંપ પાછળનું કારણ
ધરતીકંપનું સૌથી મોટું કારણ એ છે કે પૃથ્વીની નીચે આવી ઘણી ટેક્ટોનિક પ્લેટ્સ છે જે એકબીજા સાથે અથડાય છે. ત્યાર બાદ સ્પંદનો બનાવવામાં આવે છે જે ધ્રુજારી તરીકે અનુભવાય છે. પૃથ્વીની નીચેની દરેક વસ્તુ પ્રવાહીમાં હાજર છે જેના કારણે પ્લેટો તરતી વખતે એકબીજા સાથે અથડાય છે. આ તમામ પ્લેટો પૃથ્વીની નીચે લગભગ 300થી 400 કિમી સુધી રહે છે. તેમની જાડાઈ 50 કિમી સુધીની હોઈ શકે છે. તેઓ લગભગ 5 કિમી સુધી એક જગ્યાએથી બીજી જગ્યાએ જાય છે.
