- અમેરિકાએ દાવો કર્યો હતો કે કોરોના વાયરસ ચીનની લેબથી ફેલાયો
- વર્ષ 2019માં ચીનના વુહાનમાં કોરોના વાયરસનો પહેલો કેસ નોંધાયો
- WHOએ કોવિડ-19 મહામારીના મૂળને ઓળખવાની કોઈ યોજના છોડી નથી
વર્લ્ડ હેલ્થ ઓર્ગેનાઈઝેશન (WHO)એ તમામ દેશોને વિનંતી કરી છે કે તેઓ કોવિડ-19ના ફેલાવા વિશે જે પણ માહિતી ધરાવે છે તે શેર કરે. તમને જણાવી દઈએ કે અમેરિકાએ દાવો કર્યો હતો કે કોરોના વાયરસ ચીનની લેબથી ફેલાયો હતો. તે જ સમયે, ચીને તેના પર લગાવેલા આ આરોપોને ફગાવી દીધા છે.
ચીનની વુહાન લેબમાંથી ફેલાયો કોરોના?
FBIના ડિરેક્ટર ક્રિસ્ટોફર રેએ 2 ફેબ્રુઆરીએ જણાવ્યું હતું કે યુએસ ફેડરલ બ્યુરો ઓફ ઈન્વેસ્ટિગેશને હવે COVID-19 રોગચાળાના સ્ત્રોતનું મૂલ્યાંકન કર્યું છે. અમારી શંકા ચીનના વુહાનમાં એક લેબ પર છે.
નોંધનીય છે કે વર્ષ 2019માં ચીનના વુહાનમાં કોરોના વાયરસનો પહેલો કેસ નોંધાયો હતો. વુહાનમાં વાયરસ રિસર્ચ લેબ છે. ચીની અધિકારીઓએ ગુસ્સામાં FBIના દાવાને નકારી કાઢ્યો અને તેને ચીન વિરુદ્ધનું અભિયાન ગણાવ્યું હતું.
WHOએ વિનંતી કરી
WHOના ડાયરેક્ટર-જનરલ ટેડ્રોસ અધાનમ ઘેબ્રેયેસસે કહ્યું હતું કે, 'જો કોઈ દેશ પાસે મહામારીની ઉત્પત્તિ વિશે માહિતી હોય તો તે માહિતી WHO અને આંતરરાષ્ટ્રીય વૈજ્ઞાનિક સમુદાય સાથે શેર કરવી જરૂરી છે. તેમણે વધુમાં કહ્યું હતું કે દોષનું વિભાજન કરવા માટે નહીં પરંતુ આ મહામારી કેવી રીતે શરૂ થઈ તે અંગેની અમારી સમજણને આગળ વધારવા માટે જેથી કરીને આપણે ભવિષ્યની મહામારી અને રોગચાળાને અટકાવી શકીએ. તેની તૈયારી કરી શકીએ અને તેનો જવાબ આપી શકીએ. 'WHO એ કોવિડ-19 મહામારીના મૂળને ઓળખવાની કોઈ યોજના છોડી નથી.'
2021માં યુનાઈટેડ નેશન્સ હેલ્થ એજન્સીએ મહામારીની ઉત્પત્તિ શોધવા માટે નોવેલ પેથોજેન્સ (SAGO)ના મૂળ પર વૈજ્ઞાનિક સલાહકાર જૂથની સ્થાપના કરી હતી. ટેડ્રોસે કહ્યું હતું કે, WHO ચીનને ડેટા શેર કરવા અને જરૂરી તપાસ કરવા અને પરિણામો શેર કરવામાં પારદર્શક બનવાનું આહ્વાન કરી રહ્યું છે. FBIના વડાની ટિપ્પણીઓ આ અઠવાડિયાની શરૂઆતમાં એક અહેવાલ પછી આવી છે જેમાં કહેવામાં આવ્યું હતું કે યુએસ ડિપાર્ટમેન્ટ ઓફ ડિફેન્સને જાણવા મળ્યું છે કે કોવિડ -19 ફાટી નીકળવાનું સૌથી સંભવિત કારણ ચીનની લેબ છે.
ડેટા શેર કરો WHO
WHOની COVID-19 ટેકનિકલ લીડ મારિયા વાન કેરખોવે જણાવ્યું હતું કે WHO વધુ માહિતી માટે જિનીવામાં યુએસ મિશન સુધી પહોંચ્યું છે. જો કે, અત્યાર સુધી તેમની પાસે તે ડેટાની એક્સેસ નથી કે જેના પર યુએસ રિપોર્ટ આધારિત હતો. સંક્રમણ રોગના મહામારીના નિષ્ણાત વાન કેરખોવે જણાવ્યું હતું કે તે માહિતી શેર કરવી મહત્વપૂર્ણ છે. જેથી તે વૈજ્ઞાનિક અભ્યાસને આગળ વધારવામાં મદદ કરી શકે.
