- ઈરાની અભિનેત્રી અફસાને બેયેગનને બે વર્ષની સસ્પેન્ડેડ જેલની સજા કરવામાં આવી
- હિજાબ ન પહેરતી મહિલાઓને હોસ્પિટલમાં સારવાર આપવા ઇનકાર
- હિજાબ ન પહેરનારી મહિલાઓને નોકરીમાંથી કાઢી મૂકવાના હુકમ
ઈરાનમાં હિજાબ ન પહેરનારી મહિલાઓને સજા કરવામાં આવી રહી છે. તેમની પાસે શબઘરમાં મૃતદેહોની સાફ-સફાઈનું કામ કરાવાય છે. સાથે જ મનોચિકિત્સકની પાસે ઇલાજ માટે મોકલવામાં આવી રહી છે. મી.ડિયા રિપોર્ટ અનુસાર, ઈરાન સરકાર હિજાબ ન પહેરનારી મહિલાઓ પર પહેલાં કરતાં વધારે કડકાઈથી વર્તી રહી છે, જેથી હિજાબ કાયદાનું ઉલ્લંઘન કરનારી મહિલાઓને વશમાં રાખી શકાય. એટલે સુધી કે હિજાબ ન પહેરનારી મહિલાઓને હોસ્પિટલમાં સારવાર આપવાની પણ ના પાડી દેવાય છે. હિજાબ ન પહેરનારી મહિલાઓને નોકરીમાંથી કાઢી મૂકવાના હુકમ પ્રસિદ્ધ કરવામાં આવ્યા છે. આ જ શ્રુંખલામાં ઈરાની અભિનેત્રી અફસાને બેયેગનને પણ બે વર્ષની સસ્પેન્ડેડ જેલની સજા કરવામાં આવી છે. સાથે જ દર-અઠવાડિયે મનોચિકિત્સક પાસે કાઉન્સેલિંગ માટે જવાના નિર્દેશ અપાયા છે. ઉલ્લેખનીય છે કે તાજેતરમાં જ અભિનેત્રીએ હિજાબ પહેર્યા વગરની પોતાની ઘણી તસવીરો સોશિયલ મીડિયા પર પોસ્ટ કરી હતી.
નિયમોનું ઉલ્લંઘન કરવા બદલ સજા
