ભારત અને ન્યૂઝીલેન્ડ વચ્ચે રમાઈ રહેલી પાંચ મેચની T20 આંતરરાષ્ટ્રીય શ્રેણીની ત્રીજી નિર્ણાયક મેચ 27ઑક્ટોબરના રોજ વેલિંગ્ટન ખાતે રમાવાની છે. શરૂઆતની બંને મેચોમાં ધમાકેદાર જીત મેળવીને ભારતીય ટીમે શ્રેણીમાં 2-0ની મજબૂત સરસાઈ મેળવી લીધી છે. જો ટીમ ઈન્ડિયા આ મેચ જીતશે તો શ્રેણી પોતાના નામે કરી લેશે. ભારતની આ શાનદાર સફળતાના અસલી હીરો રહેલા યુવા સન્સેશન તિલક વર્મા પાસે આ મેચમાં ક્રિકેટ જગતનો એક મોટો રેકોર્ડ પોતાના નામે કરવાની સુવર્ણ તક છે.બીજી T20 મેચમાં જ્યારે ભારતીય ટીમ મુશ્કેલ પરિસ્થિતિમાં હતી, ત્યારે તિલકે 26 બોલમાં અણનમ 51 રનની તોફાની ઇનિંગ રમીને મેચ પલટી નાખી હતી. હવે ત્રીજી T20માં તે સિક્સરનો નવો ઇતિહાસ રચવા મેદાનમાં ઉતરશે.
100 આંતરરાષ્ટ્રીય છગ્ગા પૂરા કરવાથી માત્ર 6 ડગલાં દૂર
તિલક વર્મા અત્યારે વિશ્વના સૌથી ઘાતક મિડલ ઓર્ડર બેટર્સમાંથી એક સાબિત થઈ રહ્યો છે. તેની આક્રમક બેટિંગ શૈલીનો અંદાજ તેના આંકડા પરથી લગાવી શકાય છે. વર્તમાન આંકડા મુજબ તિલકે ભારત માટે અત્યાર સુધી 72 T20 આંતરરાષ્ટ્રીય મેચમાં 44.13ની શાનદાર એવરેજથી 1989 રન બનાવ્યા છે, જેમાં 146 ચોગ્ગા અને 94 છગ્ગા સામેલ છે.જો તિલક વર્મા વેલિંગ્ટન T20 મેચમાં વધુ6 છગ્ગા ફટકારવામાં સફળ રહેશે, તો તે T20I ક્રિકેટમાં પોતાની 100 સિક્સર પૂરી કરી લેશે.દબાણની સ્થિતિમાં શાંત રહીને આક્રમક શોટ્સ રમવાની ક્ષમતા તિલકને અન્યો કરતાં અલગ પાડે છે. જો તે આ સિદ્ધિ મેળવશે તો તે ભારત તરફથી ૧૦૦ સિક્સર ફટકારનારા દિગ્ગજોની એલિટ યાદીમાં સામેલ થઈ જશે.