વૈદિક જ્યોતિષ અનુસાર જ્યારે મંગળ અને રાહુ એક જ રાશીમાં યુતિ કરે છે ત્યારે અંગારક યોગ રચાય છે. મંગળ ઊર્જા, સાહસ, ક્રોધ અને જમીન સંબંધિત કાર્યોનો કારક છે, જ્યારે રાહુ અચાનક ઘટનાઓ, ભ્રમ અને અનિશ્ચિત પરિસ્થિતિઓનું પ્રતિક માનવામાં આવે છે. આ બંને ગ્રહોની યુતિ પરિસ્થિતિઓને તીવ્ર અને ક્યારેક અસ્થિર બનાવી શકે છે.
હાલમાં રાહુ કુંભ રાશીમાં સ્થિત છે. અહીં રહેલી સ્થિતિમાં તે અન્ય ગ્રહો સાથે યુતિ અથવા દૃષ્ટિ સંબંધ બનાવે છે.
ફેબ્રુઆરી મહિનામાં શનિની મૂળ ત્રિકોણ રાશિ કુંભમાં રાહુ ઉપરાંત શુક્ર, બુધ અને સૂર્ય પણ સ્થિત રહેશે. તો સાથે સાથે 23 ફેબ્રુઆરીએ મંગળ પણ આ રાશીમાં પ્રવેશ કરશે. મંગળ અને રાહુની યુતિથી અંગારક યોગનું નિર્માણ થશે. જ્યોતિષ મુજબ આ યોગને અશુભ માનવામાં આવે છે.
આ યોગ બનવાથી કેટલીક રાશિના જાતકોના જીવનમાં મુશ્કેલીઓ આવી શકે છે. અચાનક ઘટનાઓ, તણાવભરી પરિસ્થિતિઓ અથવા અણધારી ફેરફારોનો સામનો કરવો પડી શકે છે.
આ યોગ માનસિક તણાવ અને ઉતાવળમાં નિર્ણય લેવાની વૃત્તિ વધારી શકે
મેષ રાશિના લોકો માટે આ યોગ માનસિક તણાવ અને ઉતાવળમાં નિર્ણય લેવાની વૃત્તિ વધારી શકે છે. કાર્યક્ષેત્રમાં વાદ-વિવાદ અથવા સ્પર્ધા વધી શકે છે. વૃશ્ચિક રાશિના જાતકોને સંબંધોમાં સંયમ રાખવાની જરૂર રહેશે, કારણ કે ક્રોધ અથવા ગેરસમજના કારણે મતભેદ ઊભા થઈ શકે છે. કુંભ રાશિના લોકો માટે આર્થિક મામલાઓમાં વિચારીને પગલાં લેવું જરૂરી રહેશે; જોખમી રોકાણોથી દૂર રહેવું યોગ્ય રહેશે.
જો કે અંગારક યોગને સંપૂર્ણ રીતે નકારાત્મક માનવામાં આવતો નથી
જો કે અંગારક યોગને સંપૂર્ણ રીતે નકારાત્મક માનવામાં આવતો નથી. ઊર્જાનો યોગ્ય ઉપયોગ કરવામાં આવે તો આ યોગ સાહસ, નેતૃત્વ ક્ષમતા અને મોટા નિર્ણયો લેવા હિંમત પણ આપે છે. સેનામાં, પોલીસ, રમતગમત અથવા ટેકનિકલ ક્ષેત્ર સાથે જોડાયેલા લોકો માટે આ સમય સિદ્ધિઓ આપનાર પણ બની શકે છે.
આ સમયગાળા દરમિયાન હનુમાન ચાલીસાનો પાઠ, મંગળ સંબંધિત ઉપાયો અને ધીરજપૂર્વક નિર્ણય લેવો લાભદાયક માનવામાં આવે છે. કુલ મળીને, 23 ફેબ્રુઆરીથી બનતો અંગારક યોગ કેટલીક રાશિઓ માટે પડકારજનક હોઈ શકે છે, પરંતુ સાવચેતી અને સંયમથી પરિસ્થિતિને અનુકૂળ બનાવી શકાય છે.
આ પણ વાંચો: Shukra Rahu Yuti 2026: એક સદી પછી કુંભ રાશિમાં શુક્ર રાહુના મિલનથી સર્જાયો લંપટ યોગ, અચાનક ધનલાભના યોગ
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
