જેમ કે શું દુનિયા કોઈ મોટા પરિવર્તન તરફ આગળ વધી રહી છે? અને શું ત્રીજા વિશ્વ યુદ્ધની આશંકા છે? માન્યતાઓ મુજબ 19 માર્ચ 2026થી હિંદુ નવું વર્ષ શરૂ થશે, જેને વિક્રમ સંવત 2083 કહેવામાં આવે છે. આ નવા વર્ષને રૌદ્ર સંવત્સર નામથી પણ ઓળખવામાં આવે છે.
જ્યોતિષ શાસ્ત્ર મુજબ આવો સમય લગભગ 60 વર્ષ પહેલા, 1966માં પણ આવ્યો હતો, જ્યારે દેશ અને દુનિયામાં મોટા રાજકીય ફેરફારો જોવા મળ્યા હતા.
આ સંવત્સર 19 માર્ચ 2026થી શરૂ થઈને 7 એપ્રિલ 2027 સુધી રહેશે. આ સમયગાળા દરમિયાન ગ્રહોની સ્થિતિ ખાસ રહેશે. જ્યોતિષીય ગણતરી મુજબ આ વર્ષે ગુરુને રાજા અને મંગળને મંત્રીનું સ્થાન મળશે. માનવામાં આવે છે કે આ સ્થિતિમાં ઝડપી ફેરફાર, સંઘર્ષ અને નવા અવસર એકસાથે જોવા મળે છે.
જે વિસ્તારોમાં પહેલેથી જ સંઘર્ષ ચાલી રહ્યો છે, ત્યાં તણાવ વધી શકે છે. કેટલીક જગ્યાએ યુદ્ધ જેવી પરિસ્થિતિ ગંભીર બની શકે છે. ભારત માટે પણ સુરક્ષા દૃષ્ટિએ સાવચેત રહેવાની જરૂર જણાઈ રહી છે.
આ સમય દરમિયાન વૈશ્વિક રાજકારણમાં હલચલ થઈ શકે છે. કેટલાક મોટા નેતાઓના અવસાન અથવા સત્તા પરિવર્તનના યોગ બની શકે છે. ભારતમાં પણ નીતિઓ અને શાસન સંબંધિત મોટા નિર્ણય આવી શકે છે.
ઘણા દેશો વચ્ચે નવા સમજૂતી કરારો થઈ શકે છે, જે વૈશ્વિક રાજકારણ અને અર્થતંત્ર પર લાંબા ગાળે અસર કરી શકે છે.
ભારત, અમેરિકા, ચીન, રશિયા અને જાપાન જેવા દેશો અંતરિક્ષ ક્ષેત્રમાં વધુ સ્પર્ધા કરશે. સાથે જ આર્ટિફિશિયલ ઇન્ટેલિજન્સ (AI) ક્ષેત્રમાં પણ ઝડપી વિકાસ થશે, જે ભવિષ્યમાં માનવજીવનમાં મહત્વપૂર્ણ ભાગ ભજવશે.
ઘણા દેશોમાં કાયદા અને નીતિઓમાં બદલાવ આવી શકે છે. સાથે જ શિક્ષણ વ્યવસ્થામાં પણ મોટા સુધારા જોવા મળી શકે છે, જેથી નવી પેઢી આધુનિક ટેકનોલોજી સાથે આગળ વધી શકે.
આ પણ વાંચો: Chaitra Navratri 2026: ચૈત્ર નવરાત્રિએ આ વસ્તુઓનું દાન કરવાથી સુતેલુ ભાગ્ય જાગશે
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)