જ્યોતિષ શાસ્ત્ર મુજબ જ્યારે સૂર્ય દેવ ધન અથવા મીન રાશિમાં ગોચર કરે છે ત્યારે તેમની ઊર્જા થોડું કમજોર માનવામાં આવે છે અને આ સમયને ખરમાસ કહેવામાં આવે છે.
હવે પ્રશ્ન એ થાય છે કે આ સમય દરમિયાન નવું ઘર ખરીદવું, લગ્ન કરવા કે નવો બિઝનેસ શરૂ કરવો કેમ ટાળવામાં આવે છે? માર્ચ 2026માં સૂર્યના મીન રાશિમાં પ્રવેશ સાથે ખરમાસ શરૂ થવાનો સંકેત મળી ગયો છે. પરંતુ ઘણા લોકોમાં ગૂંચવણ છે કે તેની શરૂઆત 14 માર્ચની રાત્રેથી ગણવી કે 15 માર્ચની સવારથી.
સૂર્ય 15 માર્ચ 2026ના રોજ સવારે 1:08 વાગ્યે મીન રાશિમાં પ્રવેશ કરશે. કેટલાક લોકો તેને 14 માર્ચની મોડી રાત્રિ માનતા હોવાથી ગૂંચવણ થાય છે, પરંતુ પંચાંગ અનુસાર 15 માર્ચથી ખરમાસની શરૂઆત માનવામાં આવે છે.
આ સમયગાળો લગભગ એક મહિના સુધી રહેશે. 14 એપ્રિલ 2026ના રોજ સવારે 9:38 વાગ્યે સૂર્ય મેષ રાશીમાં પ્રવેશ કરશે અને તે સાથે ખરમાસ સમાપ્ત થશે.
જ્યોતિષ અનુસાર ખરમાસ દરમિયાન ગ્રહોના રાજા સૂર્યની ગતિ ધીમી થઈ જાય છે, જેના કારણે તેમની સકારાત્મક ઊર્જામાં ઘટાડો માનવામાં આવે છે. તેથી આ સમય દરમિયાન નીચેના કાર્યો ટાળવા સલાહ આપવામાં આવે છે:
નવા કામની શરૂઆત: નવો વ્યવસાય કે મોટો પ્રોજેક્ટ શરૂ કરવી યોગ્ય માનવામાં આવતી નથી.
ગૃહ પ્રવેશ: નવા ઘરમાં પ્રવેશ ખરમાસ પૂરો થયા પછી કરવો વધુ શુભ માનવામાં આવે છે.
લગ્ન અને સગાઈ: લગ્ન, સગાઈ અથવા નવા સંબંધની શરૂઆત ટાળવી જોઈએ.
શુભ સંસ્કાર: મુડન, જનોઇ, નામકરણ અથવા નવા ઘરની પાયાવિધિ જેવા સંસ્કારોથી પરહેજ કરવો.
મોટી ખરીદી: નવી મિલ્કત અથવા વાહન ખરીદવા માટે આ સમય શુભ માનવામાં આવતો નથી.
શુભ કાર્યો માટે સૂર્યનું મજબૂત અને ઉચ્ચ સ્થિતિમાં હોવું ખૂબ મહત્વપૂર્ણ માનવામાં આવે છે. ખરમાસ દરમિયાન સૂર્ય દેવ ગુરુની રાશિઓ (ધનુ અને મીન)માં રહે છે, જ્યાં તેમની ગતિ ધીમી માનવામાં આવે છે. માન્યતા મુજબ આવી સ્થિતિમાં કરવામાં આવેલા શુભ કાર્યોનું પૂર્ણ ફળ મળતું નથી. તેથી આ આખો મહિનો માંગલિક કાર્યો માટે અનુકૂળ માનવામાં આવતો નથી.
આ પણ વાંચો: Navratri Vastu Tips: નવરાત્રિના નવ દિવસ ઘરના મુખ્યદ્વારે જરૂર રાખો આ વસ્તુઓ
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)