માર્ચ 2026ની શરૂઆત એક ખાસ ખગોળીય ઘટનાથી થશે. 3 માર્ચ 2026 (મંગળવાર)ના રોજ વર્ષનું પહેલું પૂર્ણ ચંદ્રગ્રહણ લાગશે. ફાગણ પૂર્ણિમાના દિવસે પૂર્ણ ચંદ્રગ્રહણ લાગશે, પરંતુ ભારતમાં તે ખંડગ્રાસ (આંશિક) રૂપમાં જ દેખાશે.
ભારતીય સમય અનુસાર આ ગ્રહણ બપોરે લગભગ 3 વાગ્યે શરૂ થશે અને સાંજે લગભગ 6:47 વાગ્યા સુધી પૂર્ણ થઈ જશે. તમે તેને સૂર્યાસ્ત બાદ પૂર્વ આકાશમાં આશરે 6:33 વાગ્યા સુધી સરળતાથી જોઈ શકશો. આ ‘બ્લડ મૂન’ સામાન્ય આંખોથી પણ નિહાળી શકાય છે.
3 માર્ચ 2026નું ચંદ્રગ્રહણ ભારતમાં સાંજે અંતિમ તબક્કામાં દેખાશે અને ‘બ્લડ મૂન’નો દ્રશ્ય પણ જોવા મળશે, જોકે તેની અવધિ મર્યાદિત રહેશે.
આ ચંદ્રગ્રહણ અમેરિકા અને પ્રશાંત ક્ષેત્રના મોટા ભાગોમાં પૂર્ણ સ્વરૂપે દેખાશે. ઓસ્ટ્રેલિયા, ન્યુઝીલેન્ડ અને પૂર્વ એશિયાના કેટલાક વિસ્તારોમાં સંપૂર્ણ ચંદ્રગ્રહણનો સંપૂર્ણ તબક્કો જોવા મળશે.
આ ચંદ્રગ્રહણ જોવા માટે કોઈ ખાસ સાધન, બાઈનોક્યુલર અથવા દૂરબીનની જરૂર નથી. તેને સામાન્ય આંખોથી પણ જોઈ શકાય છે. આ દરમિયાન ચંદ્રમાનો મેગ્નિટ્યુડ લગભગ -12 રહેશે, કારણ કે તે પૂર્ણ ચંદ્ર હશે અને સિંહ તારામંડળમાં સ્થિત રહેશે.
ચંદ્રમા પૃથ્વીની પરિક્રમા લગભગ 29 દિવસમાં પૂર્ણ કરે છે. ખાસ પરિસ્થિતિઓમાં સૂર્ય, પૃથ્વી અને ચંદ્ર એક સીધી રેખામાં આવી જાય છે અને પૃથ્વી સૂર્ય અને ચંદ્ર વચ્ચે આવી જાય છે. પરિણામે ચંદ્ર પૃથ્વીની છાયામાં પ્રવેશ કરે છે અને સૂર્યપ્રકાશ સીધો તેની ઉપર પડતો નથી.
આ ઘટનાને ચંદ્રગ્રહણ કહેવામાં આવે છે. જો ચંદ્ર સંપૂર્ણપણે ઢંકાઈ જાય તો તેને પૂર્ણ ચંદ્રગ્રહણ કહે છે, આંશિક ઢંકાય તો આંશિક ચંદ્રગ્રહણ અને માત્ર ઉપછાયા દેખાય તો ઉપછાયા ચંદ્રગ્રહણ કહેવાય. આ વખતે ભારતમાં ચંદ્રગ્રહણ આંશિક સ્વરૂપે દેખાશે.
આ પણ વાંચો: Chandra Grahan 2026: ગ્રહણ સમાપ્ત થતા જ કરીલો આ 7 કામ, મુશ્કેલી દૂર થશે
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)