જ્યોતિષ શાસ્ત્ર અનુસાર સાંજની પૂજા દરમિયાન ઘરનાં મંદિરમાં દીવો પ્રગટાવવાની સાથે એક અન્ય વિશેષ સ્થાન પર પણ દીવો પ્રગટાવવો ખૂબ શુભ માનવામાં આવે છે. માન્યતા છે કે તેનાથી માતા લક્ષ્મીનું ઘરમાં સદાય નિવાસ રહે છે. ચાલો જાણીએ કે તે કયું પવિત્ર સ્થાન છે જ્યાં દીવો પ્રગટાવવાથી માતા લક્ષ્મીની વિશેષ કૃપા પ્રાપ્ત થાય છે.
સાંજે આ પવિત્ર સ્થાન પર પ્રગટાવો દીવો
જ્યોતિષ મુજબ સાંજના સમયે ઘરના મુખ્ય દરવાજા પર દીવો પ્રગટાવવો ખૂબ શુભ માનવામાં આવે છે. એવું કહેવાય છે કે તેનાથી ઘરની નકારાત્મક ઊર્જા દૂર થાય છે અને માતા લક્ષ્મીનું આગમન થાય છે. જોકે, ધ્યાન રાખવું કે મુખ્ય દરવાજા પર દીવો એવી રીતે મૂકવો જોઈએ કે જ્યારે તમે ઘરની અંદરથી બહાર તરફ જુઓ ત્યારે દીવો તમારી જમણી બાજુ હોય.
કયા પ્રકારનો દીવો પ્રગટાવવો?
ઘરના મુખ્ય દ્વાર પર ઘીનો દીવો પ્રગટાવવો સૌથી શુભ માનવામાં આવે છે. જો કોઈ દિવસ ઘી ઉપલબ્ધ ન હોય તો સરસવના તેલનો દીવો પણ પ્રગટાવી શકાય છે.
ઘીનો દીવો પ્રગટાવતા હો તો રૂની વાટીનો ઉપયોગ કરવો.
તેલનો દીવો પ્રગટાવતા હો તો લાલ કલાવાની વાટીનો ઉપયોગ કરવો શુભ માનવામાં આવે છે.
સાંજે દીવો પ્રગટાવવાનો યોગ્ય સમય
શાસ્ત્રો અનુસાર સાંજે સૂર્યાસ્ત પછી, એટલે કે સાંજે લગભગ 6 વાગ્યાથી 7:30 વાગ્યા વચ્ચે દીવો પ્રગટાવવો જોઈએ.
સૌથી પહેલા ઘરના મંદિરમાં દીવો પ્રગટાવો.
ત્યારબાદ મુખ્ય દરવાજા પર દીવો પ્રગટાવો.
માન્યતા મુજબ જો આ રીતનું પાલન કરવામાં આવે તો ઘરમાં સુખ, સમૃદ્ધિ અને સકારાત્મકતા જળવાઈ રહે છે અને માતા લક્ષ્મીની કૃપા સતત પ્રાપ્ત થાય છે.
આ પણ વાંચો: Tripushkar Yog: 16 જૂને રચાશે ત્રિપુષ્કર યોગ, આ રાશિની પ્રગત્તિ નક્કી
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
