પરાક્રમ, નેતૃત્વ અને સાહસનો કારક માનવામાં આવતો મંગળ ગ્રહ કેટલીક રાશિઓને 2 ઑગસ્ટ સુધી અસ્થાયી રીતે માંગલિક બનાવી શકે છે. મંગળ દોષ, જેને માંગલિક દોષ પણ કહેવામાં આવે છે, તે વૈદિક જ્યોતિષમાં એક મહત્વપૂર્ણ જ્યોતિષીય સ્થિતિ માનવામાં આવે છે. જ્યારે જન્મકુંડળીમાં મંગળ ગ્રહ પ્રથમ, ચોથા, સાતમા, આઠમા અથવા બારમા ભાવમાં સ્થિત હોય ત્યારે મંગળ દોષ બને છે એવી માન્યતા છે. જ્યોતિષ શાસ્ત્ર મુજબ મંગળ ઊર્જા, સાહસ, ક્રોધ અને આત્મવિશ્વાસનો કારક ગ્રહ છે. જો તેની સ્થિતિ અશુભ માનવામાં આવે તો વ્યક્તિના દાંપત્ય જીવન, પારિવારિક સંબંધો અને સ્વભાવ પર અસર પડી શકે છે.
માંગલિક દોષ ધરાવતા લોકોને લગ્નમાં વિલંબ થાય
પરંપરાગત માન્યતાઓ અનુસાર માંગલિક દોષ ધરાવતા લોકોને લગ્નમાં વિલંબ, પતિ-પત્ની વચ્ચે મતભેદ અથવા સંબંધોમાં તણાવ જેવી પરિસ્થિતિઓનો સામનો કરવો પડી શકે છે. જોકે દરેક કુંડળીમાં મંગળ દોષની અસર સમાન હોય એવું જરૂરી નથી. અન્ય ગ્રહોની સ્થિતિ અને શુભ યોગો પણ તેના પ્રભાવને ઘટાડવામાં મદદરૂપ બને છે. જ્યોતિષીઓ મંગળ દોષના નિવારણ માટે પૂજા, દાન, મંત્ર જાપ અને ધાર્મિક ઉપાયો કરવાની સલાહ આપે છે.
કેટલીક રાશિઓને જીવનમાં પડકારોનો સામનો કરવો પડી શકે
જ્યોતિષીય માન્યતાઓ અનુસાર, આ ગોચરના કારણે કેટલીક રાશિઓને જીવનમાં પડકારોનો સામનો કરવો પડી શકે છે, જોકે કેટલાક સકારાત્મક પરિણામો પણ મળી શકે છે. ચાલો જાણીએ આ રાશિઓ વિશે અને મંગળદોષના પ્રભાવને ઘટાડવા માટેના ઉપાયો વિશે.
વૃષભ રાશિ
વૃષભ રાશિના જાતકો માટે મંગળનું આ ગોચર પ્રથમ ભાવમાં થઈ રહ્યું છે. જ્યોતિષ મુજબ પ્રથમ ભાવમાં મંગળની સ્થિતિ અસ્થાયી માંગલિક યોગનું નિર્માણ કરે છે. પરિણીત લોકો માટે દાંપત્ય જીવનમાં મતભેદ અથવા તણાવ સર્જાવાની શક્યતા રહી શકે છે. માનસિક ચિંતા અને પારિવારિક બાબતોમાં પણ સાવધાની રાખવાની જરૂર પડશે.
મિથુન રાશિ
મિથુન રાશિ માટે મંગળ બારમા ભાવમાં ગોચર કરી રહ્યો છે. બારમો ભાવ ખર્ચ, વિદેશ સંબંધિત બાબતો અને આરામ સાથે જોડાયેલો માનવામાં આવે છે. આ સમયગાળામાં આવક સારી રહી શકે છે, પરંતુ ગુસ્સા પર નિયંત્રણ રાખવાની જરૂર પડશે. શત્રુઓથી સાવચેત રહેવું પણ જરૂરી રહેશે. જ્યોતિષ અનુસાર બારમા ભાવમાં મંગળનું ગોચર અસ્થાયી માંગલિક પ્રભાવ આપે છે. પરિણીત લોકોએ જીવનસાથીની કુંડળીમાં મંગળની સ્થિતિ પર પણ ધ્યાન આપવું જોઈએ.
તુલા રાશિ
તુલા રાશિના જાતકો માટે મંગળ આઠમા ભાવમાં ગોચર કરી રહ્યો છે. આઠમો ભાવ આયુષ્ય, અચાનક ઘટનાઓ અને સ્વાસ્થ્ય સાથે સંબંધિત માનવામાં આવે છે. આ દરમિયાન સ્વાસ્થ્યમાં ઉતાર-ચઢાવ જોવા મળી શકે છે. આર્થિક લાભ માટે વધુ મહેનત કરવાની જરૂર પડી શકે છે. જ્યોતિષીય માન્યતા મુજબ આઠમા ભાવમાં મંગળનું ગોચર પણ અસ્થાયી માંગલિક યોગ બનાવે છે. તેથી દાંપત્ય જીવન અને સ્વાસ્થ્ય સંબંધિત બાબતોમાં ખાસ સાવધાની રાખવાની સલાહ આપવામાં આવે છે.
આ પણ વાંચો: Shani Dev: શું શનિવારે લોખંડ ખરીદવુ શુભ કે અશુભ? આ વસ્તુઓ પણ ન લેવી
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
