મૂળાંક દ્વારા વ્યક્તિની કેટલીક ખરાબ આદતો વિશે પણ જાણ થઈ શકે છે, જે બીજા લોકોને પરેશાન અથવા ઇરિટેટ કરે છે. વ્યક્તિએ પોતાના મૂળાંક મુજબ આ આદતોને ઓળખીને સુધારવાનો પ્રયત્ન કરવો જોઈએ.
મૂળાંક 1ના સ્વામી ગ્રહ સૂર્ય છે. આવા લોકો પોતાને હંમેશા સાચા માને છે અને બીજાની વાત ઓછું સાંભળે છે. આ કારણે લોકો ઘણીવાર અવગણના અનુભવે છે. તેમને પોતાની આ આદત સુધારવાની જરૂર છે.
મૂળાંક 2ના સ્વામી ચંદ્ર છે. આવા લોકોને વધુ વિચારવાની (Overthinking) આદત હોય છે. તેમનો મૂડ ઝડપથી બદલાતો હોવાથી આસપાસના લોકો ક્યારેક પરેશાન થઈ જાય છે.
મૂળાંક 3ના સ્વામી ગુરુ બૃહસ્પતિ છે. આવા લોકોને હંમેશા ધ્યાનનું કેન્દ્ર બનવું ગમે છે. તેઓ ઘણીવાર વધુ જ્ઞાનની વાતો કરે છે, જેના કારણે લોકો કંટાળી જાય છે.
મૂળાંક 4ના સ્વામી રાહુ છે. આવા લોકો ખૂબ જિદ્દી સ્વભાવના હોય છે. પોતાની વાત પર અડગ રહેવાની તેમની આદત લોકોને પસંદ આવતી નથી.
મૂળાંક 5ના સ્વામી બુધ છે. આવા લોકોને વધુ બોલવાની આદત હોય છે. ઘણીવાર લોકો તેમની સતત વાતોથી પરેશાન થઈ જાય છે.
મૂળાંક 6ના સ્વામી શુક્ર છે. આવા લોકો દરેક વસ્તુ પોતાની મરજી પ્રમાણે ઈચ્છે છે. તેઓ ઈચ્છે છે કે લોકો તેમની વાત માને અને તેમની રીતે કામ કરે, જે બીજાને ન ગમે.
મૂલાંક 7ના સ્વામી કેતુ છે. આવા લોકોને એકાંતમાં રહેવું ગમે છે અને લોકો સાથે ઓછું મળવું પસંદ કરે છે. તેમની આ આદતના કારણે લોકો તેમની પાસેથી દૂર રહેવાનું પસંદ કરે છે.
મૂળાંક 8ના સ્વામી શનિ છે. આવા લોકો ગંભીર સ્વભાવના હોય છે અને મજાક-મસ્તી ઓછી કરે છે. તેમનું રૂક્ષ વર્તન લોકોને દૂર કરી શકે છે.
મૂળાંક 9ના સ્વામી મંગળ છે. આવા લોકો નાની-નાની વાતોમાં ગુસ્સે થઈ જાય છે. તેમના આક્રોશી સ્વભાવને કારણે લોકો ઘણીવાર તેમને પસંદ કરતા નથી
આ પણ વાંચો: Samudrik Shastra: મહિલાઓના શરીર પર આ જગ્યાએ તલ આપે રાજયોગનું સુખ
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)