ગુજરાતના સૌરાષ્ટ્ર વિસ્તારમાં અરબી સમુદ્ર કિનારે આવેલું સોમનાથ મંદિર ભગવાન શિવના 12 જ્યોતિર્લિંગોમાં પ્રથમ અને સૌથી પ્રાચીન જ્યોતિર્લિંગ માનવામાં આવે છે. ચાલો જાણીએ કે સોમનાથ જ્યોતિર્લિંગની સ્થાપના કેવી રીતે થઈ અને તેના પાછળનું પૌરાણિક રહસ્ય શું છે.
શા માટે ખાસ છે સોમનાથ જ્યોતિર્લિંગ?
હિંદુ ધર્મમાં જ્યોતિર્લિંગ ભગવાન શિવની દિવ્ય અને અનંત ઊર્જાનું પ્રતિક માનવામાં આવે છે. સમગ્ર દેશમાં કુલ 12 જ્યોતિર્લિંગ સ્થાપિત છે, પરંતુ સોમનાથને તેમાં પ્રથમ સ્થાન પ્રાપ્ત છે. ગુજરાતના વેરાવળ નજીક પ્રભાસ પાટણમાં આવેલું આ મંદિર સદીઓથી ભક્તોની આસ્થાનું કેન્દ્ર રહ્યું છે.
“સોમનાથ” શબ્દનો અર્થ થાય છે સોમના નાથ, એટલે કે ચંદ્રદેવના સ્વામી.
માન્યતા મુજબ આ જ્યોતિર્લિંગની સ્થાપના સ્વયં ચંદ્રદેવે કરી હતી. શિવ પુરાણ અને સ્કંદ પુરાણ સહિત અનેક પ્રાચીન ગ્રંથોમાં પણ સોમનાથ જ્યોતિર્લિંગનો ઉલ્લેખ કરવામાં આવ્યો છે. ધાર્મિક માન્યતા અનુસાર, સોમનાથ જ્યોતિર્લિંગના દર્શન માત્રથી ભક્તોના પાપોનો નાશ થાય છે અને તેમને મોક્ષની પ્રાપ્તિ થાય છે. અહીં ભગવાન શિવ સાથે માતા પાર્વતીની કૃપા પણ પ્રાપ્ત થાય છે.
કેવી રીતે થઈ સોમનાથ જ્યોતિર્લિંગની સ્થાપના?
પૌરાણિક કથા અનુસાર, જ્યારે ચંદ્રદેવ શાપમાંથી મુક્ત થયા ત્યારે તેમણે ભગવાન શિવને પ્રાર્થના કરી કે તેઓ પ્રભાસ ક્ષેત્રમાં સ્થાપિત કરાયેલા આ શિવલિંગમાં સદાય માટે વિરાજમાન રહે. ભગવાન શિવે તેમની પ્રાર્થના સ્વીકારી અને જ્યોતિ સ્વરૂપે તે શિવલિંગમાં સ્થાપિત થયા. ત્યારથી આ સ્થાન “સોમનાથ જ્યોતિર્લિંગ” તરીકે પ્રસિદ્ધ થયું. માનવામાં આવે છે કે આ ભગવાન શિવનું પ્રથમ જ્યોતિર્લિંગ છે.
આ પણ વાંચો: Numerology: નાળિયેર જેવા સ્વભાવના હોય આ જાતક, પોતાની લાગણી વ્યક્ત કરતા ડરે
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
