- સૂર્ય, બુધ, યુરેનસ મેષ રાશિમાં રહેશે
- મેષ રાશિમાં પંચગ્રહી યોગ બનશે
- અક્ષય તૃતીયાના દિવસે 5 ગ્રહો મેષ રાશિમાં રહેશે
હિંદુ ધર્મમાં અક્ષય તૃતીયાને અબુજ મુહૂર્તનો દિવસ કહેવામાં આવે છે. એટલે કે આ દિવસે કોઈ પણ શુભ કાર્ય કરવા માટે કોઈ શુભ સમય પસંદ કરવાની જરૂર નથી. આ દિવસ લગ્ન, મુંડન, ગૃહ પ્રવેશ, સોનું-ચાંદી ખરીદવું વગેરે માટે શુભ છે અને આ દિવસે કરવામાં આવેલ કાર્ય સ્થાયી ફળ આપે છે. એટલા માટે આ દિવસે એવા કામ કરવા જોઈએ જે સુખ-સમૃદ્ધિ આપે છે.
આ દિવસે ગુરુ મેષ રાશિમાં સંક્રમણ કરશે
આ વર્ષે અક્ષય તૃતીયા 22 એપ્રિલે ઉજવવામાં આવશે. આ દિવસે ગુરુ મેષ રાશિમાં સંક્રમણ કરશે. આ સાથે સૂર્ય, બુધ, યુરેનસ પણ મેષ રાશિમાં રહેશે. આ રીતે મેષ રાશિમાં પંચગ્રહી યોગ બનશે. આ યોગ કેટલીક રાશિઓ માટે ખૂબ જ શુભ સાબિત થવાનો છે.
અક્ષય તૃતીયાનું પર્વ
અક્ષય તૃતીયાનું પર્વ તપનો મહિમા અને દાનનો પ્રવાહ વહેવડાવતું પર્વ છે. દાન સાથે તપની આરાધના કરવાવાળા અક્ષય પદ પ્રાપ્ત કરી શકશે એવો સંદેશ આ પર્વમાં છે. એક વખત રાજા યુધિષ્ઠિરે શ્રીકૃષ્ણને અખાત્રીજ પર્વની વિશેષતા પૂછી ત્યારે તેઓએ જણાવ્યું હતું કે, વૈશાખ સુદ ત્રીજના પૂવૉધમાં જો યજ્ઞ, દાન, તપ વગેરે પુણ્ય કાર્યો કરવામાં આવે તો તેનું ફળ અક્ષય થાય છે, એટલે જ આ દિવસનું મુહૂર્ત સર્વશ્રેષ્ઠ છે. વિવાહ, ગૃહપ્રવેશ, વ્યાપાર વગરેનો શુભારંભ અક્ષય તૃતીયાના દિવસે ખૂબ થાય છે. ગામડાઓમાં તો આ દિવસે સમૂહલગ્નો થાય છે.
અખાત્રીજ પર ક્ષય તિથિ ન આવે
ભારતીય જ્યોતિષશાસ્ત્ર મુજબ તિથિઓ ચંદ્રમા અને નક્ષત્રોની ગતિ મુજબ બને છે. જેમ જેમ ચંદ્રમાની કળા વધે કે ઘટે તેવી જે રીતે તિથિઓ વધે કે ઘટે છે. એકમથી લઈ અમાવસ્યા, પૂનમ વગેરે બધી જ તિથિઓમાં વધ-ઘટ થતી રહે છે, પરંતુ વૈશાખ સુદ ત્રીજ એટલે કે અખાત્રીજની તિથિ હજારો વર્ષોથી આજદિન સુધી ક્ષય તિથિ નથી બની. એમાં ક્યારેય વધ-ઘટ આવે જ નહીં. એટલે જ એને અક્ષય તિથિ કહી છે. એને અખાત્રીજ પણ કહેવાય છે.
મેષ
મેષ રાશિમાં જ પંચગ્રહી યોગ બની રહ્યો છે. અક્ષય તૃતીયાના દિવસે 5 ગ્રહો મેષ રાશિમાં રહેશે અને તેની અસર મેષ રાશિના લોકો પર સૌથી વધુ રહેશે. આ લોકોને સમાજમાં સન્માન મળશે. નોકરીમાં લાભ થશે. પ્રમોશન-ઇન્ક્રીમેન્ટ મળવાના ચાન્સ છે. વેપારમાં લાભ થશે. આ દિવસે દાન કરવું વધુ સારું રહેશે, આમ કરવાથી અનેકગણું ફળ મળશે.
વૃષભ
વૃષભ રાશિના જાતકો માટે પંચગ્રહી યોગ ખૂબ જ શુભ ફળ આપશે. આ લોકોની કુંડળીમાં બનેલો રાજયોગ આ લોકોને પ્રમોશન, પૈસા, પદ, પ્રતિષ્ઠા બધું જ આપશે. લોકો તમારા કામની પ્રશંસા કરશે. તમારા જીવનમાં ખુશીઓ વધશે. તમારું બેંક બેલેન્સ વધશે. તમે બચત પણ કરી શકશો. પરિવાર સાથે ગુણવત્તાયુક્ત સમય વિતાવો.
કર્ક
પંચગ્રહી યોગ કર્ક રાશિના લોકોને ઘણો લાભ આપશે. આ લોકોને તેમના કાર્યોમાં સફળતા મળશે. કોઈ મોટી સિદ્ધિ પ્રાપ્ત થઈ શકે છે. સોનું અને ચાંદી ખરીદવાથી ખૂબ જ શુભ ફળ મળશે. વેપારમાં લાભ થશે. નફો વધશે.
સિંહ
અક્ષય તૃતીયા સિંહ રાશિના લોકોને શુભ ફળ આપશે. લાંબા સમયથી અટકેલા કામ હવે વેગ પકડશે. પૈસાથી ફાયદો થશે. પ્રગતિ મળશે. ખાસ કરીને વેપાર કરનારાઓને ફાયદો થશે. પરિવારમાં સારો સમય પસાર થશે.
