હિંદુ ધર્મમાં તુલસી વિવાહનું વિશેષ મહત્વ છે. દર વર્ષે કારતક માસની એકાદશી તિથિએ જે દેવુથની એકાદશી તરીકે ઓળખાય છે. તે દિવસે તુલસી વિવાહ કરવામાં આવે છે. આ વખતે 12 નવેમ્બર, મંગળવારે તુલસી વિવાહનું આયોજન કરવામાં આવશે.
આ રીતે ઘરે જ કરો તુલસી વિવાહ
તુલસી વિવાહની સંપૂર્ણ રીત
દેવુથની એકાદશીના દિવસે જે લોકો તુલસી વિવાહ કરવા ઇચ્છે છે અને કન્યાદાન કરવાનું હોય છે તેમણે આ દિવસે વ્રત અવશ્ય રાખવું જોઈએ. આ પછી પુરૂષોએ શાલિગ્રામની બાજુમાં અને મહિલાઓએ તુલસી માતાની બાજુએ બેસવાનુ હોય છે. સાંજે બંને પક્ષો તૈયાર થઈને લગ્ન માટે ભેગા થાય છે. પર પક્ષ અને કન્યા પક્ષ સાથે મળી વિવાહ સંપન્ન કરવાનો સંકલ્પ લે છે. તુલસી વિવાહ માટે સૌ પ્રથમ ઘરના આંગણાના ચોકને શણગારવામાં આવે છે. પછી રંગોળી બનાવવામાં આવે છે અને તેના પર એક ચોકી ગોઠવવામાં આવે છે.
આ પછી દૂધ અને ચંદન મિક્સ કરીને શાલિગ્રામ જી પર તિલક કરો
આ પછી, તુલસીનો છોડ મધ્યમાં મૂકો. તુલસી માતાને સારી રીતે તૈયાર કરો. તેમને લાલ રંગની ચુંદડી તેમજ બંગડી જેવી વસ્તુઓથી શણગારો. જ્યાં તુલસી માતા બિરાજમાન હોય ત્યાં શેરડીનો મંડપ બનાવો. આ પછી, એક અષ્ટકોણ કમળ બનાવો અને ચોકી પર શાલિગ્રામ સ્થાપિત કરો અને તેમને શણગારો.
માતાજીને ભાવથી શણગારો
પછી કળશ સ્થાપિત કરો. સૌથી પહેલા કળશમાં પાણી ભરો અને તેમાં ગંગાજળના થોડા ટીપા ઉમેરો. ત્યારપછી આંબાના 5 પાન મૂકો અને તેના પર નારિયેળને લાલ કપડામાં લપેટીને કળશ પર સ્થાપિત કરો. પછી શાલિગ્રામને એક ચોકી પર પધરાવો. શાલિગ્રામ તુલસીજીની જમણી બાજુ રાખવાના છે. કેમકે પત્નીનું સ્થાન હંમેશા ડાબી બાજુ હોય છે. ત્યારબાદ ઘીનો દીવો પ્રગટાવો અને ઓમ શ્રી તુલસી માતાએ નમઃ મંત્રનો જાપ કરો. શાલિગ્રામ અને માતા તુલસી પર ગંગા જળ છાંટવું.
તુલસીને રોલીનું તિલક કરો.
આ પછી દૂધ અને ચંદન મિક્સ કરીને શાલિગ્રામ જી પર તિલક કરો અને માતા તુલસીને રોલીનું તિલક કરો. આ પછી શાલિગ્રામ અને તુલસી માતાને પૂજાની તમામ સામગ્રી જેમ કે ફૂલ વગેરે ચઢાવો. આ પછી પુરુષોએ શાલિગ્રામ જીને ખોળામાં અને સ્ત્રીઓએ માતા તુલસીને ઊંચકવા જોઈએ. ત્યારપછી તુલસીની 7 વાર પ્રદક્ષિણા કરો. આ દરમિયાન બીજા બધા શુભ ગીતો ગાય છે અને કેટલાક લોકો લગ્ન માટે ખાસ મંત્રો જાપ કરે છે. મંત્રોના ઉચ્ચારણમાં કોઈ ભૂલ ન હોવી જોઈએ. છેલ્લે બંનેને ખીર પુરી અર્પણ કરો. છેલ્લે માતા તુલસી અને ભગવાન શાલિગ્રામની આરતી કરો. પછી છેલ્લે બધા લોકોને પ્રસાદ વહેંચો.
