- લોકસભાની ચૂંટણીની તારીખો જાહેર થાય તે પહેલા સરકારે લીધો નિર્ણય
- ગ્રામીણ ડાક સેવકોના પગારમાં વધારો કરવામાં આવ્યો
- પગાર વધારાને લીધે 2.56 લાખથી વધુ જીડીએસને ફાયદો થશે
લોકસભાની ચૂંટણીની તારીખો જાહેરા થવાની ઘડીઓ ગણાઈ રહી છે ત્યારે કેન્દ્ર સરકારે એક મહત્ત્વનો નિર્ણય લીધો છે. દેશના 2.56 લાખ પોસ્ટ ઓફિસ કર્મચારીઓને સરકારે મોટી ભેટ આપી છે. કેન્દ્રીય મંત્રી અશ્વિની વૈષ્ણવે શુક્રવારે ફાઈનાન્શિયલ અપગ્રેડેશન સ્કીમ લોન્ચ કરી. આ યોજના પોસ્ટ ઓફિસમાં કામ કરતા 2.56 લાખથી વધુ ગ્રામીણ ડાક સેવકો (GDSs)ની સેવાની સ્થિતિ સુધારવા માટે લાવવામાં આવી છે. સંચાર મંત્રાલયના જણાવ્યા અનુસાર, આ યોજના હેઠળ, દરેક ગ્રામીણ ડાક સેવકને 12, 24 અને 36 વર્ષની સેવા પૂર્ણ કરવા પર અનુક્રમે 4,320, 5,520 અને 7,200 રૂપિયા વાર્ષિક 3 નાણાકીય અપગ્રેડેશન મળશે.
ગ્રામીણ ટપાલ સેવક નાણાકીય અપગ્રેડેશન
આ નાણાકીય અપગ્રેડેશન ગ્રામીણ ડાક સેવકો દ્વારા સમય સંબંધિત સાતત્ય ભથ્થાં (TRCA)ના સ્વરૂપમાં મળતા ભથ્થાઓ ઉપરાંત હશે. કાર્યક્રમમાં બોલતા વૈષ્ણવે જણાવ્યું હતું કે કલ્યાણકારી પગલાંની શ્રેણીને આગળ વધારતા, સરકાર હવે ગ્રામીણ ડાક સેવક નાણાકીય અપગ્રેડેશન, 2024 લઈને આવી છે.
2.56 લાખથી વધુ જીડીએસને ફાયદો થશે
અશ્વિની વૈષ્ણવે કહ્યું, 'ગ્રામીણ ડાક સેવકો ગ્રામીણ વિસ્તારોમાં પોસ્ટલ સિસ્ટમની કરોડરજ્જુ છે. 2.5 લાખથી વધુ ગ્રામીણ ડાક સેવકો આપણા દેશના દૂરના ભાગોમાં નાણાકીય સેવાઓ, પાર્સલ ડિલિવરી અને અન્ય G2C સેવાઓ પ્રદાન કરે છે. તેમણે વધુમાં જણાવ્યું હતું કે, 'ગ્રામીણ ડાક સેવકોની સેવાની સ્થિતિ સુધારવાની દિશામાં એક મહત્વપૂર્ણ પગલા તરીકે, આ યોજનાથી 2.56 લાખથી વધુ GDsને લાભ થવાની અપેક્ષા છે અને તેમની સેવામાં રહેલી સ્થિરતા દૂર થશે.'
આ નવી સેવાઓ શરૂ કરવામાં આવી હતી
કેન્દ્રીય મંત્રીએ કહ્યું કે પોસ્ટલ નેટવર્કને સર્વિસ ડિલિવરી નેટવર્કમાં શિફ્ટ કરવાનું વડાપ્રધાન નરેન્દ્ર મોદીનું વિઝન છે. તેમણે કહ્યું, 'આ વિઝનને અમલમાં
