- ઘરેલું સિલિન્ડરના ભાવમાં ફરી કોઈ ફેરફાર નથી
- 19 કિલોના કોમર્શિયલ એલપીજી સિલિન્ડરના ભાવમાં 19 રૂપિયા ઘટયા
- લોકસભા ચૂંટણી દરમિયાન સતત બીજા મહિને એલપીજીના ભાવમાં ફેરફાર
મે મહિનાની શરૂઆત રાહતપૂર્ણ ખબર સામે થઈ છે. અને આ રાહત મોંઘવારીના મોરચા પર છે. ઓઈલ માર્કેટિંગ કંપનીઓએ સતત બીજા મહિને એલપીજી સિલિન્ડરના ભાવ ઘટાડયા છે. જો કે આ વખતે 19 કિલોગ્રામ ધરાવતા કોમર્શિયલ ગૅસ સિલિન્ડરના ભાવ ઘટાડયા છે. દેશમાં હાલ લોકસભાની ચૂંટણી ચાલી રહી છે. આ દરમ્યાન દિલ્હીથી લઈ મુંબઈ સુધી સિલિન્ડરના ભાવમાં 19 રૂપિયાનો ઘટાડો કરાયો છે. આઈઓસીએલની વેબસાઈટ પર સિલિન્ડરના નવા ભાવને અપડેટ કરાયા છે. જે આજથી આ નવા ભાવ લાગુ થશે.
દિલ્હીમાં 19, કોલકાતામાં 19 રૂપિયા સિલિન્ડર સસ્તો થયો
ઓઈલ માર્કેટિંગ કંપની ઈન્ડિયન ઓઈલની વેબસાઈટ અનુસાર, 1 મેથી રાજધાની દિલ્હીમાં 9 કિલોના કોમર્શિયલ ગેસ સિલિન્ડરની કિંમતમાં 19 રૂપિયા (દિલ્હી એલપીજી પ્રાઈસ)નો ઘટાડો કરવામાં આવ્યો છે અને તેની કિંમત 1764.50 રૂપિયાથી ઘટીને 1745.50 રૂપિયા થઈ ગઈ છે. છે. એ જ રીતે મુંબઈમાં કોમર્શિયલ એલપીજી સિલિન્ડરની કિંમત 1717.50 રૂપિયાથી ઘટીને 1698.50 રૂપિયા થઈ ગઈ છે. ચેન્નાઈમાં પણ આ સિલિન્ડર 19 રૂપિયા સસ્તું થયું છે અને તેની કિંમત 1930 રૂપિયાથી ઘટીને 1911 રૂપિયા થઈ ગઈ છે. જોકે, કોલકાતામાં કોમર્શિયલ સિલિન્ડરની કિંમતમાં એક રૂપિયો વધુ એટલે કે 20 રૂપિયાનો ઘટાડો કરવામાં આવ્યો છે અને અત્યાર સુધી આ સિલિન્ડર જે 1879 રૂપિયામાં વેચાતો હતો તે હવે અહીં 1859 રૂપિયા થઈ ગયો છે.
એપ્રિલ મહિનામાં કિંમતોમાં ઘણો ઘટાડો થયો હતો
આ પહેલા નવા નાણાકીય વર્ષના પ્રથમ દિવસે એટલે કે 1લી એપ્રિલ 2024ના રોજ ઓઈલ માર્કેટિંગ કંપનીઓએ કોમર્શિયલ એલપીજી સિલિન્ડરની કિંમતમાં ઘટાડો કરીને ગ્રાહકોને મોટી રાહત આપી હતી. કટ બાદ રાજધાની દિલ્હીમાં 19 કિલોના એલપીજી સિલિન્ડરની કિંમત 30.50 રૂપિયા ઘટીને 1764.50 રૂપિયા થઈ ગઈ છે. જ્યારે કોલકાતામાં કોમર્શિયલ સિલિન્ડરની કિંમતમાં 32 રૂપિયાનો ઘટાડો થયો અને અહીં તે 1879 રૂપિયા થઈ ગયો. મુંબઈમાં સિલિન્ડરની કિંમત 31.50 રૂપિયા ઘટીને 1717.50 રૂપિયા અને ચેન્નાઈમાં 30.50 રૂપિયા ઘટીને 1930 રૂપિયા થઈ ગઈ છે.
ઘરેલું સિલિન્ડરના ભાવમાં ફરી કોઈ ફેરફાર નથી
ઉલ્લેખનીય છે કે કોમર્શિયલ ગેસ સિલિન્ડરનો ઉપયોગ હોટલ કે રેસ્ટોરન્ટમાં કોમર્શિયલ હેતુ માટે કરવામાં આવે છે. આવી સ્થિતિમાં તેની કિંમતમાં ઘટાડાને કારણે બહાર ખાવા-પીવાનું સસ્તું થઈ શકે છે. બીજી તરફ, આ વખતે પણ ઘરના રસોડામાં ઉપયોગમાં લેવાતા 14.2 kg LPG સિલિન્ડરની કિંમતોમાં કોઈ ફેરફાર કરવામાં આવ્યો નથી.
IOCLની વેબસાઈટ અનુસાર, તેમની કિંમતો યથાવત છે. રાજધાની દિલ્હીમાં તેની કિંમત 803 રૂપિયા અને ઉજ્જવલા લાભાર્થીઓ માટે 603 રૂપિયા છે. પહેલાની જેમ જ કોલકાતામાં 829 રૂપિયા, મુંબઈમાં 802.50 રૂપિયા અને ચેન્નાઈમાં 818.50 રૂપિયામાં ઘરેલુ સિલિન્ડર ઉપલબ્ધ છે. મળતી માહિતી પ્રમાણે મહિલા દિવસ પર મોટી રાહત આપતાં કેન્દ્ર સરકારે 14 કિલોના ઘરેલું ગેસ સિલિન્ડર (ડોમેસ્ટિક એલપીજી સિલિન્ડર)ની કિંમતમાં 100 રૂપિયા સુધીનો ઘટાડો કરવાની ભેટ આપી હતી.
