- વૈશ્વિક અને લગ્નસરાને લીધે સોનાના ભાવમાં ભડકો
- સોનું એક તોલાનો ભાવ 72,127 રૂપિયા પર ખુલ્યો
- એક કિલો ચાંદીનો ભાવ રૂપિયા 86,126ની સર્વોચ્ચ સપાટીએ પહોંચ્યો
સોના અને ચાંદીના વાયદાના ભાવ આ સપ્તાહે નરમ શરૂ થયા હતા. બંનેના વાયદાના ભાવ સ્થાનિક બજારમાં ઘટાડા સાથે ખુલ્યા હતા. મળતી માહિતી અનુસાર, સોનાના વાયદાના ભાવ રૂ.72,150ની આસપાસ ટ્રેડ થઈ રહ્યા છે, જ્યારે ચાંદીના વાયદાના ભાવ રૂ.82,350ની આસપાસ ટ્રેડ થઈ રહ્યા છે. આંતરરાષ્ટ્રીય બજારમાં સોના-ચાંદીના વાયદાના ભાવની શરૂઆત પણ સુસ્ત રહી હતી.
સોનાના વાયદાના ભાવ ઘટ્યા
સોનાના વાયદાની શરૂઆત આજે સુસ્તી સાથે થઈ હતી. મલ્ટી કોમોડિટી એક્સચેન્જ (MCX) પર સોનાનો બેન્ચમાર્ક જૂન કોન્ટ્રાક્ટ આજે રૂ. 679ના ઘટાડા સાથે રૂ. 72,127 પર ખૂલ્યો હતો. લખાય છે ત્યારે આ કોન્ટ્રાક્ટ રૂ. 661ના ઘટાડા સાથે રૂ. 72,145 પર ટ્રેડ કરી રહ્યો હતો. આ સમયે તે દિવસની ઊંચી સપાટીએ રૂ. 72,147 અને દિવસની નીચી સપાટી રૂ. 72,027 પર પહોંચ્યો હતો. સોનાનો વાયદો આ મહિને રૂ. 73,958ની સર્વોચ્ચ સપાટીએ પહોંચ્યો હતો.
ચાંદીના વાયદાના ભાવમાં પણ ઘટાડો નોંધાયો હતો
ચાંદીના વાયદાના ભાવ આજે ઘટાડા સાથે શરૂ થયા હતા. MCX પર ચાંદીનો બેન્ચમાર્ક મે કોન્ટ્રાક્ટ આજે રૂ. 1007ના ઘટાડા સાથે રૂ. 82,500 પર ખૂલ્યો હતો. લખાય છે ત્યારે આ કોન્ટ્રાક્ટ રૂ. 1,158ના ઘટાડા સાથે રૂ. 82,349 પર ટ્રેડ કરી રહ્યો હતો. આ સમયે તે દિવસની ટોચે રૂ. 82,500 અને તેની નીચી સપાટી રૂ. 82,133 પર પહોંચ્યો હતો. આ મહિને ચાંદીનો વાયદો કિલો દીઠ રૂ. 86,126ની સર્વોચ્ચ સપાટીએ પહોંચ્યો હતો.
આંતરરાષ્ટ્રીય બજારમાં સોનું અને ચાંદી સુસ્ત છે
આંતરરાષ્ટ્રીય બજારમાં સોના અને ચાંદીના વાયદાના ભાવ આજે નબળાઈ સાથે શરૂ થયા છે. કોમેક્સ પર સોનું 2,403.70 ડોલર પ્રતિ ઔંસ પર ખુલ્યું. અગાઉની બંધ કિંમત 2,413.80 ડોલર હતી. લખવાના સમયે, તે 25 ડોલરની નીચે 2,388.80 ડોલર પ્રતિ ઔંસના ભાવે ટ્રેડ થઈ રહ્યું હતું. કોમેક્સ પર ચાંદીનો વાયદો $28.79 પર ખૂલ્યો હતો, જે અગાઉનો બંધ ભાવ 28.84 ડોલર હતો. સમાચાર લખાય છે ત્યારે તે 0.45 ડોલરના ઘટાડા સાથે 28.39 ડોલર પ્રતિ ઔંસના ભાવે ટ્રેડ થઈ રહ્યો હતો.
