સોના ચાંદીના ભાવમાં ફરી ઉછાળો, જાણો આજના નવા ભાવ

• આજે સોનાની સાથે ચાંદીના ભાવમાં ઉછાળો
  
• ચાંદીના ભાવ 1200 રૂપિયાના ઉછાળો
• ચાંદીના ભાવ 72000 હજાર રૂપિયાની નજીક પહોંચ્યા

સપ્તાહના છેલ્લા ટ્રેડિંગ દિવસે પણ MCX પર સોનું અને ચાંદી બંને ઝડપથી ટ્રેડ થઈ રહ્યા છે. સોનાની કિંમતો સતત વધી રહી છે પરંતુ ચાંદીએ આજે ​​ખરીદદારોને મોટો આંચકો આપ્યો છે. એક જ દિવસમાં ચાંદીના ભાવ 1200 રૂપિયાના ઉછાળા સાથે 72000 રૂપિયાની નજીક પહોંચી ગયા છે.

સોનાના ભાવ શું છે?

શરૂઆતના તબક્કામાં સોનું આજે 57,382ના સ્તરે ખુલ્યું હતું. આ પછી, તેની કિંમતમાં વધુ ઉછાળો નોંધવામાં આવ્યો છે અને બપોર સુધીમાં ગઈકાલની સરખામણીમાં 282 રૂપિયા અથવા 0.49 ટકાના વધારા સાથે 57,410 રૂપિયા પ્રતિ 10 ગ્રામ પર પહોંચી ગયો છે. ગુરુવારની વાત કરીએ તો સોનું 57,128 રૂપિયા પ્રતિ 10 ગ્રામ પર બંધ થયું.

સોનાની સાથે ચાંદીના ભાવમાં પણ ભારે ઉછાળો

શુક્રવારે સોના ઉપરાંત ચાંદીમાં પણ જોરદાર ઉછાળો નોંધાયો છે. ચાંદી બપોર સુધીમાં તે ગઈકાલની તુલનામાં 1.70 ટકા એટલે કે 1200 રૂપિયા મોંઘી થઇ ગઇ છે અને 71,800 રૂપિયા પર પહોંચી ગઇ છે. ગુરુવારે મલ્ટી કોમોડિટી એક્સચેન્જ પર ચાંદી 70,600 રૂપિયા પ્રતિ કિલોગ્રામ પર બંધ થઈ હતી. પ્રારંભિક તબક્કામાં ચાંદી રૂ.71,149 પ્રતિ કિલોના સ્તરે ખુલી હતી.

આંતરરાષ્ટ્રીય બજારમાં સોનું ચમકી રહ્યું છે

સ્થાનિક બજાર ઉપરાંત આંતરરાષ્ટ્રીય બજારમાં પણ સોનાની કિંમતમાં જબરદસ્ત વધારો જોવા મળી રહ્યો છે. આજે સોનું 0.1 ટકાના વધારા સાથે $1,866.19 પ્રતિ ઔંસ પર ટ્રેડ કરી રહ્યું છે. જ્યારે અમેરિકામાં ગઈકાલની સરખામણીમાં સોનું 0.3 ટકા મોંઘુ થયું છે અને પ્રતિ ઔંસ $1,883.30 પર પહોંચી ગયું છે. સોના ઉપરાંત આંતરરાષ્ટ્રીય બજારમાં ચાંદીની ચમક પણ વધી છે અને તે 1 ટકા મોંઘી થઈને 22.83 ડોલર પ્રતિ ઔંસ પર પહોંચી ગઈ છે.